బోధన్ మండలం (Bodhan Mandal)

బోధన్ మండలం జిల్లా నిజామాబాదు జిల్లా జనాభా 143852 (2011), అసెంబ్లీ నియో. బోధన్ అ/ని, లోకసభ నియో. నిజామాబాదు లో/ని, బోధన్ నిజామాబాదు జిల్లాకు చెందిన మండలము. బోధన్ చాలా ప్రాచీనమైన ప్రాంతము. బౌద్ధయుగంలోనే అస్మక రాజ్యానికి రాజధానిగా విలసిల్లింది. చాళుక్యులు కూడా ప్రారంభంలో బోధన్ రాజధానిగా పాలించారు. రెండోఅరికేసరి ఆస్థానంలోని పంపకవి చివరి దశలో ఇక్కడే నివశించాడు. శతాబ్దాలపాటు బోధన్ జైనక్షేత్రంగా విరాజిల్లింది. ఇక్కడ బాహుబలి విగ్రహం కూడా ఉండేది. మండలంలోని గ్రామాలన్నీ పూర్వపు బోధన్ తాలుకాలోని గ్రామాలు. మండలంలో ఒక పురపాలక సంఘం, 17 ఎంపీటీసి స్థానాలు, 38 గ్రామపంచాయతీలు, 40 రెవెన్యూ గ్రామాలు కలవు. భౌగోళికం, సరిహద్దులు: బోధన్ మండలం నిజామాబాదు జిల్లాలో వాయువ్యంలో మహారాష్ట్ర సరిహద్దులో ఉంది. ఈ మండలానికి తూర్పున రెంజల్ మండలం, ఎడవల్లి మండలం, దక్షిణాన రుద్రూర్ మండలం, కోటగిరి మండలం, ఆగ్నేయాన వర్ని మండలం, పశ్చిమాన మహారాష్ట్ర సరిహద్దులుగా ఉన్నాయి. చరిత్ర: షోడస మహాజనపదాల కాలం నాటి చరిత్ర ఈ ప్రాంతానికి ఉంది. షోడస మహాజనపదాలలో ఒకటైన అశ్మక జనపదానికి ఇప్పటి బోధన్ రాజధానిగా ఉండింది. ఆ తర్వాత మౌర్యులు, గుప్తుల కాలంలో భాగంగా ఉండేది. ఒకప్పుడు గొప్ప జైన కేంద్రంగా వెలిసింది. 11వ శతాబ్దిలో రాష్ట్రకూటులు నిర్మించిన ఆలయం పట్టణంలో కనిపిస్తుంది. కాకతీయుల కాలంలో వైభవంగా వర్థిల్లిన ప్రాంతమిది. ఆధునిక కాలంలో గోల్కొండ, ఆసఫ్‌జాహీ సుల్తానులకు సామంతులుగా పాలించిన దోమకొండ సంస్థానంలో భాగంగా ఉండి 1948 సెప్టెంబరులో భారత యూనియన్‌లో విలీనమై 1953 వరకు హైదరాబాదు రాష్ట్రంలో కొనసాగింది. 1956-2014 కాలంలో ఆంధ్రప్రదేశ్ రాష్ట్రంలోనూ, జూన్ 2, 2014 నుంచి తెలంగాణలో భాగంగా ఉంది. జనాభా: 2011 లెక్కల ప్రకారం మండల జనాభా 143852. ఇందులో పురుషులు 71392, మహిళలు 72460. పట్టణ జనాభా 77639, గ్రామీణ జనాభా 66213. రాజకీయాలు: ఈ మండలము బోధన్ అసెంబ్లీ నియోజకవర్గం, నిజామాబాదు లోకసభ నియోజకవర్గంలో భాగముగా ఉన్నది. రవాణా సౌకర్యాలు: జానకంపేట జంక్షన్ నుంచి బోధన్ వరకు రైలుమార్గం ఉంది. బోధన్ నుంచి నిజామాబాదు, బాన్సువాడ, నాందేడ్‌లకు రహదారి మార్గం ఉంది. జిల్లా కేంద్రం నుంచి 45కిమీ దూరంలో ఉంది. మండలంలోని గ్రామాలు: Achampalle (R), Amdapur, Bardipur, Bhandarpally, Bhavanipet, Bhiknalli, Bodhan (U), Bodhan (R), Erajpally, Fathepur, Hangarga, Hunsa, Jadijamalpur, Kaldurthi, Khajapur, Khandgaon, Komanpally, Kopperga, Ladmavandi, Lakmapur, Langadapur, Machapur, Mandharna, Mavandi (Kalan), Mavandi (Khurd), Minarpally, Mithapur, Naganpally, Nagora, Narsapur, Ootpally, Pegadpally, Penta Kalan, Penta Khurd, Rampur, Salampad, Saloora, Sangam, Siddapur, Taggelli ఇవి కూడా చూడండి: నిజామాబాదు జిల్లా, అశ్మక రాజ్యం (జనపదం), ఫోటో గ్యాలరీ c c c విభాగాలు: నిజామాబాదు జిల్లా మండలాలు, బోధన్ మండలం, బోధన్ అసెంబ్లీ నియోజకవర్గం, నిజామాబాదు లోకసభ నియోజకవర్గం,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Nalgonda Dist, 2012, Handbook of Census Statistics, Nalgonda District, 2001, Census of India 2011, Provistional Population Totals, Part 2, Volume 2 of 2011. బ్లాగు రచయిత సందర్శించి తెలుసుకున్న, సేకరించిన సమాచారం, తెలంగాణ రాష్ట్ర ప్రభుత్వ GO Ms No 229 తేది: 11-10-2016  నిజామాబాదు జిల్లా స్వాతంత్ర్యసమరయోధుల చరిత్ర  https://nizamabad.telangana.gov.in/ (Official Website of Nizamabad Dist),