ఉత్తమ్‌ కుమార్ రెడ్డి నలమద (Nalamada Uttam Kumar Reddy)

జననం జూన్ 20, 1962 పదవులు 4 సార్లు ఎమ్మెల్యే, రాష్ట్ర మంత్రి, పిసిసి అధ్యక్షుడు, ఎంపి, తెలంగాణకు చెందిన ప్రముఖ రాజకీయ నాయకుడైన నలమద ఉత్తమ్‌ కుమార్ రెడ్డి జూన్ 20, 1962న సూర్యాపేట జిల్లా తిర్మలగిరి మండలం తాటిపాముల గ్రామంలో జన్మించారు. ప్రారంభంలో ఇండియన్ ఎయిర్‌ఫోర్స్‌లో ఫైటర్ ప్లైలెట్‌గా పనిచేసిన ఉత్తం కుమార్ తర్వాత రాజకీయాలలో చేరి ఎమ్మెల్యేగా, రాష్ట్రమంత్రిగా, పిసిసి అధ్యక్షుడిగా పనిచేశారు. ప్రస్తుతం లోక్‌సభ సభ్యుడిగా ఉన్నారు. రాజకీయ ప్రస్థానం: 1994లో ఉద్యోగానికి రాజీనామా చేసిన ఉత్తమ్‌ కుమార్ రెడ్డి తొలిసారిగా 1999లో కోదాడ నుంచి కాంగ్రెస్ పార్టీ తరఫున ఎన్నికయ్యారు. 2004లో కోదాడ నుంచి, 2009లో హుజూర్‌నగర్ నుంచి విజయం సాధించారు. తెలంగాణ ఉద్యమం సమయంలో అప్పటి కేంద్ర హోంశాఖ మంత్రి చిదంబరం నిర్వహించిన ఆల్‌పార్టీ మీటింగ్‌కు కాంగ్రెస్ పార్టీ తరఫున హాజరయ్యారు. 2015లో తెలంగాణ ప్రదేశ్ కాంగ్రెస్ కమిటి అధ్యక్షుడిగా నియమితులై ఇప్పటికీ కొనసాగుతున్నారు. నల్లారి కిరణ్ కుమార్ రెడ్డి మంత్రివర్గంలో ఉత్తం కుమార్ గృహనిర్మాణ శాఖ మంత్రిగా పనిచేశారు. 2014 మరియు 2018లలో కూడా హుజూర్‌నగర్ నుంచి శాసనసభకు ఎన్నికయ్యారు. 2019 లోక్‌సభ ఎన్నికలలో నల్గొండ నుంచి పోటీచేసి విజయం సాధించారు. పిసిసి అధ్యక్షుడిగా ఉంటూ హైదరాబాదు నగరపాలక సంస్థ ఎన్నికలు (2020)లో కాంగ్రెస్ పార్టీ ఘోరపరాజయం తర్వాత రాజీనామా చేశారు. ఉత్తమ్‌ కుమార్ రెడ్డి భార్య పద్మావతి కూడా 2014లో శాసనసభకు ఎన్నికైనారు. 2014లో కోదాడ నుంచి ఎన్నికైన పద్మావతి 2018లో కూడా అదే స్థానం నుంచి పోటీచేసి ఓడిపోయారు. ఇవి కూడా చూడండి: హుజూర్ నగర్ అసెంబ్లీ నియోజకవర్గం, కోదాడ అసెంబ్లీ నియోజకవర్గం, నల్గొండ అసెంబ్లీ నియోజకవర్గం, తిరుమలగిరి మండలం,  నలమద పద్మావతి, హోం, విభాగాలు: 17వ లోక్‌సభ సభ్యులు, సూర్యాపేట జిల్లా రాజకీయ నాయకులు,   = = = = =

Tags: about N.Uttam Kumar Reddy Biography Congress leader Telangana