నల్లారి కిరణ్ కుమార్ రెడ్డి (Nallari Kiran Kumar Reddy)

జననం సెప్టెంబరు 13, 1960 స్వస్థలం నగిరిపల్లె రంగం రాజకీయాలు పదవులు ఆంధ్రప్రదేశ్ ముఖ్యమంత్రి, స్పీకర్, 4 సార్లు ఎమ్మెల్యే, ఆంధ్రప్రదేశ్ ముఖ్యమంత్రిగా, స్పీకరుగా పనిచేసిన నల్లారి కిరణ్ కుమార్ రెడ్డి సెప్టెంబరు 13, 1960న హైదరాబాదులో జన్మించారు. ఈయన స్వస్థలం చిత్తూరు జిల్లా నగిరిపల్లె. కిరణ్ కుమార్ రెడ్డి క్రీడాకారునిగా, రాజకీయ నాయకుడిగా ప్రసిద్ధిచెందారు. అండర్-22 సౌత్ జోన్ విశ్వవిద్యాలయాల టోర్నీకి హైదరాబాదు జట్టు కెప్టెన్‌గా వ్యవహరించారు. రాష్ట్ర మంత్రిగా పనిచేసిన తండ్రి నల్లారి అమర్‌నాథ్ రెడ్డి మరణానంతరం రాజకీయాలలో ప్రవేశించి 4 సార్లు ఎమ్మెల్యేగా, స్పీకరుగా, ముఖ్యమంత్రిగా పనిచేశారు. రాజకీయ ప్రస్థానం: తండ్రి నల్లారి అమర్‌నాథ్ రెడ్డి పి..వి.నరసింహరావు హయంలో రాష్ట్రమంత్రిగా పనిచేశారు. ఈయన మరణానంతరం కిరణ్ కుమార్ రెడ్డి 1989లో తొలిసారి వాయల్పాడు శాసనసభ స్థానం నుంచి శాసనసభకు ఎన్నికయ్యారు. 1994లో ఓడిపోయిననూ 1999, 2004లలో కూడా వాయల్పాడు నుంచి ఎన్నికయ్యారు. 2004-09 కాలంలో వైఎస్సార్ ముఖ్యమంత్రిగా ఉన్నప్పుడు కాంగ్రెస్ పార్టీ చీఫ్ విప్‌గా పనిచేశారు. నియోజకవర్గాల పునర్విభజన తర్వాత 2009లో పీలేరు శాసనసభ స్థానం నుంచి విజయం సాధించి 2009-10 కాలంలో ఆంధ్రప్రదేశ్ శాసనసభ స్పీకరుగా పనిచేశారు. 2010లో కె.రోశయ్య తర్వాత ఆంధ్రప్రదేశ్ ముఖ్యమంత్రిగా బాధ్యతలు చేపట్టి 2014 వరకు పనిచేశారు. ఉమ్మడి ఆంధ్రప్రదేశ్‌కు ఈయనే చివరి ముఖ్యమంత్రి. ఈయన ముఖ్యమంత్రి కాలంలో మీసేవ, రాజీవ్ యువకిరణాలు, బంగారు తల్లి పథకం లాంటి పథకాలను ప్రారంభించారు. ప్రత్యేక తెలంగాణ ఏర్పాటుకు నిరసిస్తూ 2014 ఫిబ్రవరిలో కాంగ్రెస్ పార్టీకి రాజీనామా చేసి మార్చి 2014లో రాజమండ్రిలో జై సమాఖ్యాంధ్ర పార్టీని స్థాపించారు. జూలై 2018లో మళ్ళీ కాంగ్రెస్ పార్టీలో చేరారు. ఇవి కూడా చూడండి: ఆంధ్రప్రదేశ్ ముఖ్యమంత్రుల జాబితా, ఆంధ్రప్రదేశ్ శాసనసభ స్పీకర్ల జాబితా, పీలేరు అసెంబ్లీ నియోజకవర్గం, నల్లారి అమర్‌నాథ్ రెడ్డి, హోం విభాగాలు: ఆంధ్రప్రదేశ్ ముఖ్యమంత్రులు, చిత్తూరు జిల్లా ప్రముఖులు, ఆంధ్రప్రదేశ్ రాజకీయ నాయకులు, ఆంధ్రప్రదేశ్ స్పీకర్లు,  = = = = =

Tags: Biography of Nallari Kiran Kumar Reddy