సావిత్రీబాయి ఫూలె (Savitribai Phule)

జననం జనవరి 3, 1831 రంగం సంఘసంస్కర్త ప్రత్యేకత దేశంలో తొలి మహిళా ఉపాధ్యాయురాలు మరణం మార్చి 10, 1897 భారతీయ సంఘ సంస్కర్త, ఉపాధ్యాయినిగా పేరుపొందిన సావిత్రీబాయి ఫూలె జనవరి 3, 1831న మహారాష్ట్రలోని సతారా జిల్లా నయిగాన్‌లో జన్మించింది. 9 సం.ల చిన్న వయస్సులోనే 12 సం.ల వయసున్న జ్యోతిరావ్ ఫూలేతో వివాహం అయింది. భర్త జ్యోతిరావు ఫూలె ప్రముఖ సంఘసంస్కర్తగా గుర్తింపు పొందారు. భర్త ద్వారానే సావిత్రీబాయి విద్య అభ్యసించింది. సావిత్రీబాయి దేశంలోనే తొలి మహిళా ఉపాధ్యాయురాలిగా పేరుపొందింది. భారతదేశ ఫెమినిజం మాతామహులుగా కూడా ఈమెను పరిగణిస్తారు. 1873 లో తన భర్త జ్యోతిరావ్ పూలేతో కలసి "సత్యశోధక్ సమాజ్" స్థాపించి మూఢనమ్మకాలకు వ్యతిరేకంగా ఉద్యమించింది. వీరిరువుకు కల్సి 1848లో పూనెలో స్థాపించిన పాఠశాల దేశంలోనే మహిళల కోసం స్థాపించిన తొలి పాఠశాలగా గుర్తింపు పొందింది. ఎన్నో సంఘసంస్కరణలకోసం పాటుపడిన సావిత్రీబాయి మార్చి 10, 1897న మరణించింది. సావిత్రీబాయి, జ్యోతిరావు దంపతులకు సంతానం లేదు. బ్రాహ్మణ వితంతు కుమారుడైన యశ్వంతరావును దత్తత తీసుకున్నారు. 1998లో తపాలాశాఖ సావిత్రీబాయి ముఖచిత్రంలో తపాలాబిళ్ళ విడుదల చేసింది. 2015లో పూనె విశ్వవిద్యాలయానికి సావిత్రీబాయి ఫూలె విశ్వవిద్యాలయంగా పేరుమార్చబడింది.   ఇవి కూడా చూడండి: ప్రముఖ మహిళలు - ప్రత్యేకతలు - 50 మహిళల ప్రత్యేకతలు (యూట్యూబ్ వీడియో), జ్యోతిరావ్ ఫూలె, భారతదేశంలో తొలి వ్యక్తులు,  భారతదేశ ప్రముఖ మహిళలు, హోం విభాగాలు: మహారాష్ట్ర ప్రముఖులు, భారతదేశ ప్రముఖ మహిళలు,  = = = = =