కాప్రా మండలం (Kapra Mandal)

జిల్లా మేడ్చల్ రెవెన్యూ డివిజన్ కీసర అసెంబ్లీ నియో మేడ్చల్ లోకసభ నియో మల్కాజ్‌గిరి రెవెన్యూ గ్రామాలు 3 కాప్రా మేడ్చల్ జిల్లాకు చెందిన మండలము. ఇది పూర్తిగా పట్టణ ప్రాంతము మరియు GHMCలో భాగంగా ఉంది. అక్టోబరు 11, 2016న ఈ మండలం కొత్తగా అవతరించింది. అంతకు క్రితం కీసర, శామీర్‌పేట్, ఘట్‌కేసర్ మండలాలలో ఉన్న ఒక్కో గ్రామాన్ని విడదీసి 3 రెవెన్యూ గ్రామాలతో ఈ మండలాన్ని ఏర్పాటుచేశారు..   ఎలక్ట్రానిక్స్ కార్పోరేషన్ ఆఫ్ ఇండియా లిమిటెడ్ (ECIL) కర్మాగారం, సెంట్రల్ జైలు మండలంలో ఉన్నాయి. మండలం గుండా రైలుమార్గం వెళ్ళుచున్నది.   భౌగోళికం, సరిహద్దులు: భౌగోళికంగా ఈ మండలం జిల్లా మధ్యలో ఉంది. ఈ మండలానికి తూర్పున కీసర మండలం, దక్షిణాన మేడిపల్లి మండలం, పశ్చిమాన మల్కాజ్‌గిరి మండలం మరియు ఆల్వాల్ మండలం, ఉత్తరాన షామీర్‌పేట మండలం సరిహద్దులుగా ఉన్నాయి. రాజకీయాలు: ఈ మండలము మేడ్చల్ అసెంబ్లీ నియోజకవర్గం, మల్కాజ్‌గిరి లోకసభ నియోజకవర్గంలో భాగంగా ఉన్నది.    కాప్రా మండలంకై బ్లాగులో గూగుల్ సెర్చ్ చేయండి. మండలంలోని గ్రామాలు: చెర్లపల్లి, జవహర్‌నగర్, కాప్రా, ప్రముఖ రెవెన్యూ గ్రామాలు: . చెర్లపల్లి (Cherlapally) : చెర్లపల్లి మేడ్చల్ జిల్లా కాప్రా మండలమునకు చెందిన రెవెన్యూ గ్రామము. ఇది పూర్తిగా పట్టణ ప్రాంతము మరియు GHMCలో భాగంగా కాప్రా సర్కిల్, వార్డు 2లో ఉంది. ఈ ప్రాంతంలో పరిశ్రమలు అధికంగా ఉన్నాయి. ఎలక్ట్రానిక్స్ కార్పోరేషన్ ఆఫ్ ఇండియా లిమిటెడ్ కర్మాగారం చెర్లపల్లిలో ఉంది. చెర్లపల్లిలో సెంట్రల్ జైలు, రైల్వేస్టేషన్ కూడా ఉన్నాయి. జవహర్‌నగర్ (Cherlapally) : జవహర్‌నగర్ మేడ్చల్ జిల్లా కాప్రా మండలమునకు చెందిన రెవెన్యూ గ్రామము. ఇది పూర్తిగా పట్టణ ప్రాంతము మరియు GHMCలో భాగంగా ఉంది. BITS హైదరాబాదు క్యాంపస్ ఈ ప్రాంతంలో ఉంది. కాప్రా (Kapra): కాప్రా మేడ్చల్ జిల్లాకు చెందిన రెవెన్యూ గ్రామము మరియు మండల కేంద్రము. ఇది గ్రేటర్ హైదరాబాదులో భాగంగా (వార్డు నెం.1) ఉంది. కీసర మండలంలో ఉన్న ఈ ప్రాంతం 2016లో జిల్లాల పునర్వ్యవస్థీకరణ సమయంలో కొత్తగా మండల కేంద్రంగా మారింది. ఇవి కూడా చూడండి: ఎలక్ట్రానిక్స్ కార్పోరేషన్ ఆఫ్ ఇండియా లిమిటెడ్ (ECIL), చెర్లపల్లి సెంట్రల్ జైలు,   ఫోటో గ్యాలరీ c c c c హోం, విభాగాలు: మేడ్చల్ జిల్లా మండలాలు, కాప్రా మండలం,      సంప్రదించిన పుస్తకాలు, వెబ్‌సైట్లు: Handbook of Statistics, Rangareddy Dist, 2013, Handbook of Census Statistics, Rangareddy District, 2001, Census of India 2011, Provistional Population Totals, Part 2, Volume 2 of 2011. బ్లాగు రచయిత సందర్శించి తెలుసుకున్న, సేకరించిన సమాచారం, తెలంగాణ రాష్ట్ర ప్రభుత్వ GO Ms No 249 తేది: 11-10-2016  రంగారెడ్డి జిల్లా స్వాతంత్ర్యసమరయోధుల చరిత్ర, https://medchal-malkajgiri.telangana.gov.in/te/ (Official Website of Medchal Dist)

Kpra Mandal in Telugu, Medchal Malkajgiri Dist (district) Mandals in telugu, Medchal Dist Mandals in telugu,