తమిళిసై సౌందరరాజన్ (Tamilisai Soundararajan)

జననం జూన్ 2, 1961 జన్మస్థానం నాగర్‌కోయిల్ రంగం వైద్యం, రాజకీయాలు పదవులు తమిళనాడు భాజపా అధ్యక్షురాలు, తెలంగాణ గవర్నరు, తెలంగాణ రాష్ట్ర తొలి మహిళా గవర్నరుగా నియమితులైన తమిళిసై సౌందరరాజన్ జూన్ 2, 1961న తమిళనాడులోని కన్యాకుమారి జిల్లా నాగర్‌కోయిల్‌లో జన్మించారు. తమిళనాడుకు చెందిన భాజపా నాయకురాలిగా పేరుపొందిన తమిళిసై ప్రారంభంలో వైద్యవృత్తి చేపట్టి అనంతరం రాజకీయాలలో ప్రవేశించారు. తమిళనాడు భాజపా అధ్యక్షురాలిగా పనిచేస్తూ సెప్టెంబరు 2019లో తెలంగాణ గవర్నరుగా నియమితులైనారు. తమిళిసై తండ్రి అనంతన్ కూడా రాజకీయ నాయకులుగా ప్రసిద్ధి. భర్త సౌందరరాజన్ ప్రముఖ వైద్యులుగా పేరుపొందారు. రాజకీయ ప్రస్థానం: చిన్న వయస్సు నుంచే తమిళిసై రాజకీయాలపై దృష్టిసారించారు. తండ్రి ప్రముఖ కాంగ్రెస్ పార్టీ నాయకుడిగా ఉన్నందున రాజకీయ వాతావరణంలో పెరిగారు. కళాశాల విద్య దశలోనే విద్యార్థి సంఘం నాయకురాలిగా ఎన్నికైనారు. తండ్రి కాంగ్రెస్ పార్టీ నాయకుడిగా ఉన్ననూ ఈమె భారతీయ జనతా పార్టీ సంబంధిత విభాగాలలో పనిచేశారు. భాజపా అనుబంధ విభాగాలలో పేరుపొంది అంచెలంచెలుగా ఎదుగుతూ 2014లో తమిళనాడు భాజపా అధ్యక్ష పదవిని పొందారు. 2019 సాధారణ ఎన్నికలలో తూతూకుడి నుంచి భాజపా తరఫున పోటీచేసి ఎం.కరుణానిధి కూతురు, డిఎంకె అభ్యర్థి అయిన కనిమొళి చేతిలో ఓడిపోయారు. 2019 సెప్టెంబరులో తెలంగాణ రాష్ట్ర రెండో గవర్నరుగా, తొలి మహిళా గవర్నరుగా నియమితులైనారు.     ఇవి కూడా చూడండి: తెలంగాణ గవర్నర్లు, తమిళనాడు ప్రముఖులు భారతదేశ మహిళా గవర్నర్లు, ప్రముఖ భాజపా మహిళలు, హోం విభాగాలు: తెలంగాణ గవర్నర్లు, తమిళనాడు ప్రముఖులు, భారతదేశ మహిళా గవర్నర్లు, భాజపా ప్రముఖులు,  = = = = =