మిజోరం (Mizoram)

రాజధాని ఐజ్వాల్ అవతరణ 1987 జిల్లాలు 11 వైశాల్యం 21,087 చకిమీ జనాభా 10.91 లక్షలు శాసనసభ స్థానాలు 40 మిజోరం భారతదేశ ఈశాన్య రాష్ట్రాలలో ఒకటి. 1987లో రాష్ట్రంగా అవతరించిన మిజోరాం రాజధాని ఐజ్వాల్. త్రిపుర, అస్సాం, మణిపూర్ రాష్ట్రాలను బంగ్లాదేశ్ మరియు మయన్మార్ దేశాలను సరిహద్దుగా కల్గియుంది. మిజోరం రాష్ట్ర జనాభా 10.91 లక్షలు (2011 ప్రకారం)., రాష్ట్ర వైశాల్యం 21,087 చకిమీ. మిజోరంలో 11 జిల్లాలు, 40 శాసనసభ స్థానాలు, ఒక్కో లోక్‌సభ, రాజ్యసభ స్థానాలు కలవు. మిజోరం సాంప్రదాయ నృత్యాలు చప్చర్ కుట్,  మిజోరం రాష్ట్ర ప్రధాన క్రీడ ఫుట్‌బాల్. యూత్ ఒలింపిక్ క్రీడలలో స్వర్ణం సాధించిన వెయిట్ లిఫ్టింగ్ క్రీడాకారుడు జెర్మీ లాల్‌రినుంగా ఈ రాష్ట్రానికి చెందినవాడు. భౌగోళికం; ఈశాన్య రాష్ట్రాలలో అతి దక్షిణాన త్రిపుర, అస్సాం, మణిపూర్ రాష్ట్రాలను బంగ్లాదేశ్ మరియు మయన్మార్ దేశాలను సరిహద్దుగా కల్గియుంది. కర్కటరేఖ రాష్ట్రం మధ్యగా వెళ్ళుచున్నది. ఇది దేశంలో అతి తక్కువ జనాభా ఉన్న రెండో రాష్ట్రం మరియు వైశాల్యంలో ఐదో చిన్న రాష్ట్రం. రాష్ట్ర వైశాల్యంలో సుమారు 90% అడవులున్నాయి. రాష్ట్రంలో పెద్ద పట్టణాలు ఐజ్వాల్, లుంగ్లీ, చంపాయ్, లాంగ్‌ట్లాయ్, మామిట్. జనాభాలో 70%పైగా మిజో తెగ ప్రజలున్నారు. చరిత్ర: బ్రిటీష్ పాలనకు ముందు స్థానిక మిజో తెగ వారే ఇక్కడ ఆధిపత్యం చెలాయించారు. 1840 దశకంలో బ్రిటీష్ వారు బలవంతంగా ఈ ప్రాంతాన్ని తమ అధీనంలోకి తెచ్చుకున్నారు. స్వాతంత్ర్యానంతరం అస్సాం రాష్ట్రంలో భాగంగా ఉన్న ఈ ప్రాంతం 1972లో అస్సాం నుంచి విడదీసి ముందు కేంద్రపాలిత ప్రాంతంగా, 1987లో 23వ రాష్ట్రంగా అవతరించింది. రవాణా సౌకర్యాలు: జాతీయ రహదారులు 54 మరియు 150 ద్వారా అస్సాం మరియు మణిపూర్‌లతో రవాణా సంబంధాలు ఉన్నాయి. ఐజ్వాల్ సమీపంలో లెంగ్‌పూ విమానాశ్రయం ఉంది. ఆర్థికం: మిజోరాంలో విస్థాపన (ఝమ్‌) పద్దతిలో వ్యవసాయం చేస్తారు. రాష్ట్రంలో 90% అరణ్యాలు కావడం కొండప్రాంతాలు అధికంగా ఉండుటచే వ్యవసాయ యోగ్యమైన భూమి కొరతగా ఉంది. అటవీ ఉత్పత్తులు ముఖ్యంగా వెదురు ఆధారిత పరిశ్రమలు అధికంగా ఉన్నాయి. ఇవి కూడా చూడండి: భారతదేశ అన్ని రాష్ట్రాలు,  ఐజ్వాల్, మిజోరాం రాష్ట్ర జిల్లాలు, మిజోరాం రాష్ట్ర ప్రముఖులు, మిజోరాం రాష్ట్ర ముఖ్యమంత్రులు, మిజోరాం రాష్ట్ర గవర్నర్లు, మిజోరాం కాలరేఖ, హోం విభాగాలు: భారతదేశ రాష్ట్రాలు, మిజోరాం,  = = = = =