ఇటిక్యాల మండలం (Itikyal Mandal)

జిల్లా జోగులాంబ గద్వాల జిల్లా రెవెన్యూ డివిజన్ గద్వాల జనాభా 42095 (2001) 52715 (2011) అసెంబ్లీ నియోజకవర్గం ఆలంపూర్ లోకసభ నియోజకవర్గం నాగర్ కర్నూల్ పర్యాటక ప్రాంతాలు బీచుపల్లి, ముఖ్య పంటలు వరి, మండల ప్రముఖులు మందజగన్నాథం, ఇటిక్యాల జోగులాంబ గద్వాల జిల్లాకు చెందిన మండలము. ఇది గద్వాల రెవెన్యూ డివిజన్, ఆలంపూర్ అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగంగా ఉన్నది. మండలం గుండా 7వ నెంబరు జాతీయ రహదారి, సికింద్రాబాదు-డోన్ రైల్వే లైన్ వెళ్ళుచున్నాయి. జాతీయరహదారిపై వంతెన, బీచుపల్లి క్షేత్రం, కృష్ణానది మధ్యలో నిజాంకొండ కోట ఈ మండల పరిధిలో ఉన్నాయి. నాగర్ కర్నూల్ ఎంపీ మంద జగన్నాథం, ఆలంపూర్ ఎమ్మెల్యే అబ్రహాం ఈ మండలంనకు చెందినవారు. మండల సరిహద్దులు: ఈ మండలమునకు ఉత్తరమున గద్వాల మండలము, తూర్పున పెబ్బేరు, మానోపాడు మండలములు, దక్షిణమున వడ్డేపల్లి మండలము, నైరుతివైపున ఐజ మండలము, పశ్చిమాన మల్డకల్ మండలము సరిహద్దులుగాఉన్నాయి. జనాభా: 2001 లెక్కల ప్రకారం మండల జనాభా 42095. ఇందులో పురుషులు 21605, మహిళలు 20490. 2011 లెక్కల ప్రకారం మండల జనాభా 52715. ఇందులో పురుషులు 27077, మహిళలు 25638. జనాభాలో ఇది జిల్లాలో 38వ స్థానంలో ఉంది. రవాణా సౌకర్యాలు: సికింద్రాబాదు-డోన్ రైలుమార్గం మండలం గుండా వెళ్ళుచున్నది. ఇటిక్యాలలో రైల్వేస్టేషన్ ఉంది. 44వ నెంబరు జాతీయ రహదారి కూడా మండలం నుంచి వెళ్ళుచున్నది. గద్వాల నుంచి జాతీయరహదారిని కలిపే కూడలి ఎర్రవల్లి ప్రముఖమైనది. ఆలంపూర్ నియోజకవర్గంలో ఇటిక్యాల మండల స్థానం (నీలం రంగు) రాజకీయాలు: ఇటిక్యాల మండలము ఆలంపూర్ అసెంబ్లీ నియోజకవర్గం, నాగర్‌కర్నూలు లోకసభ నియోజకవర్గం పరిధిలోకి వస్తుంది. నాగర్‌కర్నూల్ లోకసభ సభ్యుడు మంద జగన్నాథం, ఆలంపుర్ శాసనసభ్యుడు అబ్రహాం ఈ మండలమునకు చెందినవారు. 2006 జడ్పీటీసి ఎన్నికలలో తెలుగుదేశం పార్టీకి చెందిన లలితమ్మ విజయం సాధించారు.ఇటిక్యాల ఎంపీపీగా కాంగ్రెస్ పార్టీకి చెందిన హన్మంత్‌రెడ్డి ఎన్నికయ్యారు. విద్యాసంస్థలు: 2008-09 నాటికి మండలంలో 27 ప్రాథమిక పాఠశాలలు (అన్నీ మండల పరిషత్తు), 11 ప్రాథమికోన్నత పాఠశాలలు (10 మండల పరిషత్తు, 1 ప్రైవేట్), 12 ఉన్నత పాఠశాలలు (1 ప్రభుత్వ, 11 జడ్పీ), ఒక ప్రైవేట్ జూనియర్ కళాశాల ఉన్నది. మండలంలో ఉన్నత పాఠశాలలు ఉన్న గ్రామాలు-ఇటిక్యాల, ఉద్ధండాపుర్, చాగాపూర్, కోదండాపూర్, వేముల, వల్లూర్, ధర్మవరం, బీచుపల్లి (గురుకుల), కొండేరు, వావిలాల, బోచువీరపాలెం. వ్యవసాయం, నీటిపారుదల: మండలం మొత్తం విస్తీర్ణం 29389 హెక్టార్లలో 48% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట వరి. వేరుశనగ, కందులు కూడా పండిస్తారు. మండల సాధారణ వర్షపాతం 531 మిమీ. మండలంలో సుమారు 4000 హెక్టార్లకు నీటిపారుదల సౌకర్యం ఉంది. ఇటిక్యాల మండలంలోని గ్రామపంచాయతీలు 1.ఆర్.గార్లపాడు 9.ధర్మవరం 17.వావిలాల 2.ఇటిక్యాల 10.నక్కలపల్లి 18.వేముల 3.ఉద్ధండాపూర్ 11.పెద్దదిన్నె 19.శాసనూల్ 4.కొండేరు 12.ఫుటాన్ దొడ్డి 20.షాబాద్ 5.కోదండాపూర్ 13.బట్లదిన్నె 21.షేక్ పల్లి 6.గోపాల్ దిన్నె 14.బీచుపల్లి 22.సాతర్ల 7.చెంగాపూర్ 15.మునగాల 8.తిమ్మాపూర్ 16.వల్లూరు విభాగాలు: జోగులాంబ గద్వాల జిల్లా మండలాలు,  ఇటిక్యాల మండలము, గద్వాల రెవెన్యూ డివిజన్, ఆలంపూర్ అసెంబ్లీ నియోజకవర్గం,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), బ్లాగు రచయిత సందర్శించి తెలుసుకున్న, సేకరించిన సమాచారం,