స్వామి అగ్నివేష్ (Swami Agnivesh)

జననం సెప్టెంబరు 21, 1939 రంగం సామాజిక కార్యకర్త అవార్డులు రాజీవ్ గాంధీ జాతీయ సద్భావన అవార్డు, రైట్ లివ్లీ హుడ్ అవార్డు మరణం సెప్టెంబరు 11, 2020 సామాజిక కార్యకర్తగా, ఆర్యసమాజ్ నేతగా, రాజకీయ నాయకుడిగా పేరుపొందిన స్వామి అగ్నివేష్ సెప్టెంబరు 21, 1939న శ్రీకాకుళంలో జన్మించారు. ఈయన అసలుపేరి వేపా శ్యామారావు. బాలకార్మిక వ్యవస్థ నిర్మూలనకు, వెట్టిచాకిరికి వ్యతిరేకంగా, మధ్యనిషేధానికి, దళిత గిరిజన అభ్యున్నతికి పాటుపడ్డారు. ప్రారంభంలో ఈయన సవ్యసాచి ముఖర్జీ (తర్వాత ఈయన సుప్రీంకోర్టు ప్రధాన న్యాయమూర్తిగా పనిచేశారు) వద్ద జూనియర్‌గా లా ప్రాక్టీసు చేశారు. ఆర్యసమాజ్ స్పూర్తితో 1970లో ఆర్యసభ రాజకీయ పార్టీ స్థాపించారు. 1977లో హర్యానా శాసనసభకు ఎన్నికై రెండేళ్ళపాటు విద్యాశాఖ మంత్రిగా పనిచేశారు. 1981లో వెట్టిచాకిరి విముక్తికై బాండెడ్ లేబర్ లిబరేషన్ ఫ్రంట్ స్థాపించారు. 2004లో రాజీవ్ గాంధీ జాతీయ సద్భావన అవార్డు, స్వీడన్‌కు చెందిన రైట్ లివ్లీ హుడ్ అవార్డు పొందారు. 2004-14 కాలంలో ఆర్యసమాజ్ అంతర్జాతీయ మండలి (1875లో దయానంద సరస్వతి నెలకొల్పినారు ఆధ్యక్షులుగా వ్యవహరించారు. అగ్నివేష్ సెప్టెంబరు 11, 2020న ఢిల్లీలో మరణించారు.     ఇవి కూడా చూడండి: ఆర్యసమాజ్ (దయానంద సరస్వతి), రైట్ లివ్లీహుడ్ అవార్డు పొందిన భారతీయులు, సెప్టెంబరు 11 (చరిత్రలో ఈ రోజు), హోం విభాగాలు: సామాజిక కార్యకర్తలు, 2020లో మరణించిన ప్రముఖులు,  = = = = =