నాగర్‌కర్నూల్ లోకసభ నియోజకవర్గం (Nagarkurnool Loksabha Constituency)

నాగర్‌కర్నూల్ లోకసభ నియోజకవర్గం (గులాబి రంగులో ఉన్నది) తెలంగాణలోని 17 లోకసభ నియోజకవర్గాలలో ఇది ఒకటి. ఈ లోక్‌సభ నియోజక వర్గంలో 7 అసెంబ్లీ నియోజక వర్గాలు ఉన్నాయి. 2007 నాటి నియోజకవర్గాల పునర్విభజన ప్రకారం ఇది ఎస్సీలకు రిజర్వ్ చేయబడినది. పునర్విభజన ప్రకారము ఈ నియోజకవర్గంలో కొత్తగా వనపర్తి, గద్వాల అసెంబ్లీ సెగ్మెంట్లు వచ్చిచేరాయి. పునర్విభజనకు పూర్వమున్న జడ్చర్ల, షాద్‌నగర్ అసెంబ్లీ సెగ్మెంట్లు మహబూబ్ నగర్ లోక్‌సభ నియోజకవర్గానికి మరియు పరిగి అసెంబ్లీ సెగ్మెంటు చేవెళ్ళ లోక్‌సభ నియోజకవర్గానికి తరలించబడింది. 1967 నుంచి ఇప్పటివరకు ఈ నియోజకవర్గానికి జరిగిన 12 ఎన్నికలలో కాంగ్రెస్ పార్టీ 7 సార్లు, తెలుగుదేశం పార్టీ 4 సార్లు, టీపీఎస్ ఒక సారి విజయం సాధించాయి. మందజగన్నాథం ఇక్కడినుంచి 4 సార్లు విజయం సాధించడమె కాకుండా 1999,04, 09లలో వరస విజయాలు సాధించి హాట్రిక్ నమోదుచేశారు.మల్లు అనంతరాములు, మల్లురవి సోదరులు మరియు భీష్మదేవ్ లు రెండేసిసార్లు గెలుపొందినారు. ప్రస్తుతం తెరాసకు చెందిన పి.రాములు ఈ నియోజకవర్గానికి ప్రాతినిధ్యం వహిస్తున్నారు. దీని పరిధిలోని అసెంబ్లీ నియోజకవర్గాలు వనపర్తి అసెంబ్లీ నియోజక వర్గం గద్వాల అసెంబ్లీ నియోజక వర్గం ఆలంపూర్ అసెంబ్లీ నియోజక వర్గం (ఎస్సీ రిజర్వ్) నాగర్‌కర్నూల్ అసెంబ్లీ నియోజక వర్గం అచ్చంపేట అసెంబ్లీ నియోజక వర్గం (ఎస్సీ రిజర్వ్) కల్వకుర్తి అసెంబ్లీ నియోజక వర్గం కొల్లాపూర్ అసెంబ్లీ నియోజక వర్గం నియోజకవర్గం నుంచి విజయం సాధించిన అభ్యర్థులు:   సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 1967 జె.బి.ముత్యాలరావు కాంగ్రెస్ పార్టీ 1971 ఎం.భీష్మదేవ్ టీపీఎస్ 1977 ఎం.భీష్మదేవ్ కాంగ్రెస్ పార్టీ 1980 మల్లు అనంతరాములు కాంగ్రెస్ పార్టీ 1984 వి.తులసిరాం తెలుగుదేశం పార్టి 1989 మల్లు అనంతరాములు కాంగ్రెస్ పార్టీ 1991 మల్లురవి కాంగ్రెస్ పార్టీ 1996 మంద జగన్నాథం తెలుగుదేశం పార్టి 1998 మల్లురవి కాంగ్రెస్ పార్టీ 1999 మంద జగన్నాథం తెలుగుదేశం పార్టి 2004 మంద జగన్నాథం తెలుగుదేశం పార్టి 2009 మంద జగన్నాథం కాంగ్రెస్ పార్టీ 2014 నంది ఎల్లయ్య కాంగ్రెస్ పార్టీ 2019 పి.రాములు తెరాస 2004లో వివిధ అభ్యర్థులకు పోలైన ఓట్లు 2004 ఎన్నికలు: 2004లో జరిగిన లోకసభ ఎన్నికలలో తెలుగుదేశం పార్టీకి చెందిన అభ్యర్థి మంద జగన్నాథం తన సమీప ప్రత్యర్థి ఇండెపెండెంట్ అభ్యర్థి అయిన కె.ఎస్.రత్నంపై 99650 ఓట్ల మెజారిటీతో గెలుపొందినారు. మంద జగన్నాథంకు 405,046 ఓట్లు రాగా, రత్నంకు 305,396 ఓట్లు లభించాయి. 2009 ఎన్నికలు: 2009 ఎన్నికలలో ఈ నియోజకవర్గం నుంచి కాంగ్రెస్ పార్టీ అభ్యర్థి మంద జగన్నాథ్ తన సమీప ప్రత్యర్థి తెలంగాణ రాష్ట్ర సమితి పార్టీకి చెందిన గువ్వల బాలరాజ్‌పై 47,767 ఓట్ల ఆధిక్యతతో విజయం సాధించారు. జగన్నాథంకు 422745 ఓట్లు రాగా, బాలరాజ్‌కు 374978 ఓట్లు లభించాయి. ప్రజారాజ్యం పార్టీ అభ్యర్థి డి.సత్యనారాయణ 3వ స్థానంలో, భారతీయ జనతా పార్టీ అభ్యర్థి టి.రత్నాకర్ 4వ స్థానంలో నిలిచారు. 2014 ఎన్నికలు: 2014 ఎన్నికలలో ఈ నియోజకవర్గం నుంచి 9 అభ్యర్థులు నామినేషన్లు వేయగా ఒక నామినేషన్ తిరస్కరించబడింది. ఇద్దరు నామినేషన్లు విత్‌డ్రా చేసుకున్నారు. తుదిబరిలో 6 అభ్యర్థులు మిగిలారు. తెలంగాణలోనే అతి తక్కువ అభ్యర్థులు పోటీ పోటీ చేసిన లొకసభ నియోజకవర్గం ఇదే.కాంగ్రెస్ పార్టీ అభ్యర్థి నంది ఎల్లయ్య తన సమీప ప్రత్యర్థి, తెరాసకు చెందిన మందా జగన్నాథంపై 17800 ఓట్ల ఆధిక్యతతో విజయం సాధించారు. 2019 ఎన్నికలు: 2019 ఎన్నికలలో ఇక్కడి నుంచి తెరాసకు చెందిన పోతుగంటి రాములు తన సమీప ప్రత్యర్థి కాంగ్రెస్ పార్టీకి చెందిన మల్లురవిపై 1,89,748 ఓట్ల మెజారిటీతో విజయం సాధించారు. తెరాస అభ్యర్థికి 4,99,672 ఓట్లు, కాంగ్రెస్ పార్టీ అభ్యర్థికి 3,09,924 ఓట్లు లభించాయి. భారతీయ జనతాపార్టీకి చెందిన బంగారుశృతి 1,29,021 ఓట్లతో మూడోస్థానంలో నిలిచారు. విభాగాలు: మహబూబ్‌నగర్ జిల్లా నియోజకవర్గాలు, నాగర్‌కర్నూల్ లోకసభ నియోజకవర్గం, తెలంగాణ లోకసభ నియోజకవర్గాలు,