మదనాపూర్ మండలం (Madanapur Mandal)

జిల్లా వనపర్తి రెవెన్యూ డివిజన్ వనపర్తి అసెంబ్లీ నియోజకవర్గం దేవరకద్ర లోకసభ నియోజకవర్గం మహబూబ్‌నగర్ మదనాపూర్ వనపర్తి జిల్లాకు చెందిన మండలము. మండలంలో 8 ఎంపీటీసి స్థానాలు, 15 రెవెన్యూ గ్రామాలు, 17 గ్రామపంచాయతీలు కలవు. ఈ మండలం అక్టోబరు 11, 2016న కొత్తగా ఏర్పడింది.అదివరకు కొత్తకోట, చిన్నచింతకుంట, ఆత్మకూరు మండలాలలో ఉన్న 15 గ్రామాలను విడదీసి ఈ మండలాన్ని ఏర్పాటుచేశారు. మండలం గుండా సికింద్రాబాదు-డోన్ రైలుమార్గం వెళ్ళుచున్నది. మండలకేంద్రంలో ఉన్న రైల్వేస్టేషన్ "వనపర్తి రోడ్"గా పిలువబడుతుంది. కళాకారులకు ప్రసిద్ధి చెందిన దుప్పల్లి గ్రామం ఈ మండలంలో ఉంది. ప్రముఖ కవి కోట్ల వెంకటేశ్వర్ రెడ్డి, వెయిట్ లిఫ్టింగ్ క్రీడాకారిణి గంటల సింధు ఈ మండలానికి చెందినవారు. సరిహద్దులు: ఈ మండలానికి తూర్పున కొత్తకోట మండలం, దక్షిణాన మరియు నైరుతిన ఆత్మకూరు మండలం, పశ్చిమాన అమరచింత మండలం, ఉత్తరాన మహబూబ్‌నగర్ జిల్లా సరిహద్దులుగా ఉన్నాయి.   చరిత్ర: నిజాం రాజ్యంలో వనపర్తి సంస్థానంలో బాగంగా ఉన్న ఈ ప్రాంతం సెప్టెంబరు 17, 1948న భారత యూనియన్‌లో విలీనమైంది. 1956 వరకు హైదరాబాదు రాష్ట్రంలో, 1956-2014 కాలంలో ఉమ్మడి ఆంధ్రప్రదేశ్ రాష్ట్రంలో కొనసాగి జూన్ 2, 2014న కొత్తగా అవతరించిన తెలంగాణలో భాగమైంది. ఉమ్మడి ఆంధ్రప్రదేశ్ రాష్ట్రంలో ఉన్నప్పుడు 1969లో మరియు 2009-14 కాలంలో తెలంగాణ ఉద్యమం ఉధృతంగా సాగింది. అక్టోబరు 11, 2016న జిల్లాల పునర్వ్యవస్థీకరణ సమయంలో మహబుబ్‌నగర్ జిల్లా నుంచి కొత్తగా ఏర్పాటైన వనపర్తి జిల్లాలో కలిసింది. అదివరకు కొత్తకోట, చిన్నచింతకుంట, ఆత్మకూరు మండలాలలో ఉన్న 15 గ్రామాలను విడదీసి ఈ మండలాన్ని ఏర్పాటుచేశారు. మండలంలోని గ్రామాలు: మదనాపూర్ (Madanapur), గోవిందహళ్ళి (Govindahalli), దంతనూర్ (Dantanoor), శంకరంపేట (Shankarampeta), తిరుమలాయపల్లి (Thirumalaipalle), రామన్‌పాడ్ (Ramanpadu), అజ్జకోల్ (Ajjakollu), నర్సింగాపూర్ (Narsingapur), కొన్నూర్ (Konnur), ద్వారకానగర్ (Dwarakanagar), నెలివిది (Nelividi), దుప్పల్లి (Duppalle), కొత్తపల్లి (Kothapalle), గోపన్‌పేట (Gopanpeta), కర్వెన (Karvena)     ఇవి కూడా చూడండి: కోట్ల వెంకటేశ్వర్ రెడ్డి, హోం, విభాగాలు: వనపర్తి జిల్లా మండలాలు, మదనాపూర్ మండలము,  వనపర్తి రెవెన్యూ డివిజన్, దేవరకద్ర అసెంబ్లీ నియోజకవర్గం, = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), బ్లాగు రచయిత పర్యటించి తెలుసుకున్న విషయాలు,  తెలంగాణ రాష్ట్ర ప్రభుత్వ ఉత్తర్వు సంఖ్య (G.O.Ms. No.) 242 తేది 11-10-2016