ఏలూరు (Eluru)

ఏలూరు (Eluru) రాష్ట్రం ఆంధ్రప్రదేశ్‌ జిల్లా పశ్చిమ గోదావరి జిల్లా జనాభా 2.14 లక్షలు ప్రాచీననామం హేలపురం అక్షాంశ రేఖాంశాలు 16.7°N 81.1°E ఏలూరు ఆంధ్రప్రదేశ్‌కు చెందిన నగరము. పశ్చిమ గోదావరి జిల్లా ప్రధానకేంద్రంగా ఉన్న ఏలూరు ఎంతో ఘనచరిత్రను కల్గియుంది. ఆంధ్రదేశాన్ని పాలించిన పలు రాజ్యాలకు ఏలూరు సమీపంలోని వేంగీ రాజధానిగా పనిచేసింది. 2011 ప్రకారం ఏలురు జనాభా 2.14 లక్షలు. 2005లో ఇది నగరపాలక సంస్థగా మారింది. కథకుడు బుచ్చిబాబు, సినీనటి సిల్క్ స్మిత, నటుడు నాగశౌర్య ఏలూరుకు చెందినవారు. ఏలూరులో అల్లూరి సీతారామరాజు స్టేడియం, పామాయిల్ పరిశోధన కేంద్రం ఉన్నాయి.   భౌగోళికం: ఏలూరు 16.7 డి ఉతర అక్షాంశం, 81.1డి తూర్పు రేఖాంశంపై ఉంది. కోస్తా ప్రాంతంగా భాగంగా ఉన్న ఏలూరు నగరం సముద్రం నుంచి 50 కిమీ దూరంలో కృష్ణానది మరియు గోదావరి నదుల మధ్యలో ఉంది. చెన్నై-కోల్కతలను కల్పు జాతీయ రహదారి సంఖ్య 16 ఏలూరు మీదుగా వెళ్ళుచున్నది. 2011 జనాభా లెక్కల ప్రకారం ఏలూరు జనాభా 2.14 లక్షలు. జనాభాలో ఈ నగరం ఆంధ్రప్రదేశ్‌లో 11వ స్థానంలో ఉంది.   చరిత్ర: ప్రాచీనకాలంలో ఏలూరు హేలపురంగా పిల్వబడింది. శాలంకాయనులు గురించి తెల్పే చరిత్రలో ప్రసిద్ధి చెందిన ఏలూరు ప్రాకృత శాసనాన్ని విజయదేవవర్మ వేయించాడు. 15వ శతాబ్ది వరకు ఏలూరు కళింగ సామ్రాజ్యంలో భాగంగా ఉండేది. ఆ తర్వాత గజపతుల నుంచి శ్రీకృష్ణదేవరాయల అధీనంలోకి వచ్చింది. అటుపిమ్మట గోల్కొండ సుల్తానులు, మొఘలులు, హైదరాబాదు నిజాంల నుంచి బ్రిటీష్ వారి అధీనంలోకి మద్రాసు ప్రావిన్సులో భాగమైంది. స్వాతంత్ర్యానంతరం కూడా మద్రాసు రాష్ట్రంలో భాగంగా ఉండి, 1953లో కొత్తగా ఏర్పడిన ఆంధ్రరాష్ట్రలో భాగమైంది. 1956-2016 కాలంలో ఉమ్మడి ఆంధ్రప్రదేశ్‌లో కొనసాగి ప్రస్తుతం విభజిత ఆంధ్రప్రదేశ్‌లో భాగంగా ఉంది. ఏలూరు జిల్లా కలెక్టరు కార్యాలయం రాజకీయాలు: ఏలూరు నగరం ఏలూరు లోక్‌సభ నియోజకవర్గం, ఏలూరు అసెంబ్లీ నియోజకవర్గంలో భాగంగా ఉంది. 1957లో లోకసభకు ఎన్నికైన తొలి తెలుగు మహిళా ఎంపి వేదకుమారి ఏలూరు నుంచి ఎన్నికైంది. 2019లో ఏలూరు లోక్‌సభ నుంచి వైకాపాకు చెందిన కోటగిరి శ్రీధర్ ఎన్నికయ్యారు. నగరపాలక సంస్థ: 1866లో బ్రిటీష్ వారి కాలంలో పురపాలక సంఘంగా ఏర్పడి, 2005లో కార్పోరేషన్‌గా మారింది. ప్రస్తుతం ఏలూరు కార్పోరేషన్‌లో 50 డివిజన్లు ఉన్నాయి. నగర అభివృద్ధి కార్పోరేషన్ ద్వారా జరుగుతోంది.     ఇవి కూడా చూడండి: ఏలూరు లోక్‌సభ నియోజకవర్గం, ఏలూరు అసెంబ్లీ నియోజకవర్గం, పశ్చిమగోదావరి జిల్లా, ఆంధ్రప్రదేశ్ నగరాలు,  ఏలూరు మండలం,  ఏలూరు నగరపాలక సంస్థ, హోం విభాగాలు: ఆంధ్రప్రదేశ్ నగరాలు, పశ్చిమగోదావరి జిల్లా,  = = = = =