రాం విలాస్ పాశ్వాన్ (Ram Vilas Paswan)

జననం జూలై 5, 1946 రంగం రాజకీయాలు పదవులు కేంద్రమంత్రి, మరణం అక్టోబరు 8, 2020 రాజకీయ నాయకుడిగా పేరుపొందిన రాం విలాస్ పాశ్వాన్ జూలై 5, 1946న బీహార్‌లోని షహర్‌బన్నిలో జన్మించారు. సంయుక్త సోషలిస్టు పార్టీ ద్వారా రాజకీయ ప్రవేశం చేసిన పాశ్వాన్ 1969లో తొలిసారిగా బీహార్ శాసనసభకు ఎన్నికైనారు. మొత్తం 8 సార్లు లోక్‌సభకు, 2 సార్లు రాజ్యసభకు ఎన్నిక కావడమే కాకుండా ఐదుగురు ప్రధానమంత్రుల హయంలో కేంద్రమంత్రిగా పనిచేశారు. నరేంద్రమోడి కేబినెట్‌లో కేంద్రమంత్రిగా ఉంటూ అక్టోబరు 8, 2020న ఢిల్లీలో మరణించారు. ఈయన కుమారుడు చిరాగ్ పాశ్వాన్ కూడా రాజకీయ నాయకుడిగా పేరుపొందారు. రాజకీయ ప్రస్థానం: సంయుక్త సోషలిస్టు పార్టీ ద్వారా రాజకీయ ప్రస్థానం ఆరంభించిన పాశ్వాన్ 1969లో తొలిసారిగా బీహార్ శాసనసభకు ఎన్నికయ్యారు. 1974లో లోక్‌దళ్ పార్టీలో చేరి ఆ పార్టీ ప్రధాన కార్యదర్శి అయ్యారు.  రాజ్ నారాయణ్, జయప్రకాష్ నారాయణ, కర్పూరి ఠాకుర్ ల ముఖ్యమైన అనుచరుడిగా ఉంటూ 1975లో ఇందిరగాంధీ విధించిన అత్యవసర పరిస్థితిని వ్యతిరేకించి జైలుకు వెళ్ళారు. 1977లో జనతాపార్టీ తరఫున తొలిసారిగా హాజీపూర్ నుంచి లోక్‌సభకు ఎన్నికైనారు. ఈ ఎన్నికలలో అత్యధిక మెజారిటీతో విజయం సాధించి రికార్డు సృష్టించారు. 1989లో తొలిసారిగా విశ్వనాథ్ ప్రతాప్ సింగ్ మంత్రివర్గంలో స్థానం పొందారు. 1996లో దేవగౌడ మంత్రివర్గంలో, 1999లో వాజపేయి మంత్రివర్గంలో, 2004లో మన్మోహన్ సింగ్ మంత్రివర్గంల్లో స్థానం పొందారు. 2014లో యుపిఏ కూటమి నుంచి బయటకు వచ్చి ఎన్డీఏ కూతమిలో చేరి నరేంద్రమోడి మంత్రివర్గంలో కూడా స్థానం పొందారు. 2020లో మరణించే సమయానికి మోడి ప్రభుత్వంలో ఆహార, ప్రజాపంపిణి శాఖ మంత్రిగా ఉన్నారు. ఇవి కూడా చూడండి: బీహార్ ప్రముఖులు, లోక్‌జనశక్తి పార్టీ, అక్టోబరు 8,   హోం విభాగాలు: బీహార్ రాష్ట్ర ప్రముఖులు, కేంద్రమంత్రులు,  = = = = =