భూత్పూర్ మండలము (Bhuthpur Mandal)

జిల్లా మహబూబ్‌నగర్ రెవెన్యూ డివిజన్ మహబూబ్‌నగర్ జనాభా 38820 (1991) 42845 (2001) 49712 (2011) అసెంబ్లీ నియోజకవర్గం దేవరకద్ర లోకసభ నియోజకవర్గం మహబూబ్‌నగర్ ముఖ్య పంటలు మొక్కజొన్న, ప్రత్తి మండల ప్రముఖులు ఆల వెంకటేశ్వర్ రెడ్డి, భూత్పూర్ మహబూబ్ నగర్ జిల్లాకు చెందిన మండలము. ఇది జిల్లా కేంద్రం సమీపంలో ఉన్నది. 44వ నెంబరు జాతీయ రహదారి మరియు మహబూబ్ నగర్- శ్రీశైలం రహదారి మండలం గుండా వెళ్ళుచున్నవి. మండలంలో 17 రెవెన్యూ గ్రామాలు, 16 గ్రామపంచాయతీలు కలవు. 44వ నెంబరు జాతీయ రహదారి మండలం గుండా వెళ్ళుచున్నది. ఈ మండలము మహబూబ్‌నగర్ రెవెన్యూ డివిజన్, దేవరకద్ర అసెంబ్లీ నియోజకవర్గం, మహబూబ్‌నగర్ లోకసభ నియోజకవర్గంలో భాగముగా ఉన్నది. మండల కేంద్రం చారిత్రాత్మకమైన ప్రదేశం. చరిత్రలో బూతపురంగా పిలువబడిన ఈ గ్రామంలో మల్యాల గుండయ భార్య శివాలయం నిర్మించింది. గ్రామంలో ప్రాచీన శాసనం కూడా లభించింది. మండలంలో పెద్ద గ్రామమైన అమిస్తాపూర్ లో సాయి సచ్చిదానంద ఆశ్రమం ఉంది. 2014లో దేవరకద్ర నుంచి ఎమ్మెల్యేగా ఎన్నికైన ఆల వెంకటేశ్వర్ రెడ్డి ఈ మండలమునకు చెందినవారు. 2019లో స్వర్ణసుధాకర్ రెడ్డి భూత్పూర్ జడ్పీటీసిగా ఎన్నికై జడ్పీ చైర్మెన్ పదవి పొందారు. జాతీయస్థాయి అథ్లెటిక్స్ క్రీడాకారిణి మహేశ్వరి ఈ మండలానికి చెందినది. మండల సరిహద్దులు: ఈ మండలమునకు ఉతరమున మహబూబ్‌నగర్ మండలం, ఈశాన్యమున జడ్చర్ల మండలం, తూర్పున తిమ్మాజీపేట మండలం, దక్షిణమున ఘనపూర్ మండలం, పశ్చిమాన అడ్డాకుల మండలము సరిహద్దులుగా ఉన్నాయి. జనాభా: 1991 లెక్కల ప్రకారం మండల జనాభా 38820. ఇందులో పురుషులు 19375, మహిళలు 19445. 2001 లెక్కల ప్రకారం మండల జనాభా 42845. ఇందులో పురుషులు 21634, మహిళలు 21211. 2011 లెక్కల ప్రకారం మండల జనాభా 49712. ఇందులో పురుషులు 25202, మహిళలు 24510. దేవరకద్ర నియోజకవర్గంలో భూత్పూర్ మండల స్థానం (గులాబిరంగు) రవాణా సౌకర్యాలు: 44వ నెంబరు జాతీయ రహదారి మరియు మహబూబ్‌నగర్ నుంచి శ్రీశైలం వెళ్ళు రహదారి మండలం గుండా వెళ్ళుచున్నవి. మండలం ఉత్తర భాగం నుంచి కొంతదూరం రైల్వేలైన్ వెళ్ళుచున్ననూ మండలంలో రైల్వేస్టేషన్ లేదు. మహబూబ్ నగర్ మరియు జడ్చర్ల రైల్వేస్టేషన్లు మండలవాసులకు అందుబాటులో ఉన్నాయి. చరిత్ర: చరిత్రలో మండల కేంద్రము బూదపురముగా పిలువబడింది. క్రీ.శ.1272లో గోనమల్యాల వంశానికి చెందిన కుప్పాంబిక (గోనబుద్ధారెడ్డి సోదరి) బూదపురం శాసనం వేయించింది. ఆ కాలంలో వర్థమానపురంను ఏలిన గోనవంశపు రెడ్లు ఈ ప్రాంతాన్ని పాలించినట్లుగా తెలుస్తుంది. బూదపురంలో కాకతీయులకు, వర్థమాన పాలకులకు మధ్య పెద్ద యుద్ధం జరిగినట్లు చారిత్రక ఆధారాలున్నాయి. రాజకీయాలు: ఈ మండలము దేవరకద్ర అసెంబ్లీ నియోజకవర్గం, మహబూబ్‌నగర్ లోకసభ నియోజకవర్గంలో భాగంగా ఉన్నది. 2006 జడ్పీటీసి ఎన్నికలలో తెలుగుదేశం పార్టీకి చెందిన ఆల వెంకటేశ్వర్ రెడ్డి ఎన్నికయ్యారు. 12 ఎంపీటీసి స్థానాలలో 10 తెదేపా విజయం సాధించింది. 2006 ఎన్నికలలో మండలంలోని 16 పంచాయతీలలో కాంగ్రెస్ పార్టీ 7, తెలుగుదేశం పార్టీ 6, ఇండిపెండెంట్లు ముగ్గురు గెలుపొందారు. 2013 సహకార సంఘం ఎన్నికలలో భూత్పూర్ సహకార సంఘం 13 డైరెక్టర్ స్థానాలలో పదింటిని తెరాస సాధించింది. 2014 & 2018లలో దేవరకద్ర నుంచి ఎమ్మెల్యేగా ఎన్నికైన ఆల వెంకటేశ్వర్ రెడ్డి ఈ మండలమునకు చెందినవారు. విద్యాసంస్థలు: మండలంలో 44 ప్రాథమిక పాఠశాలలు (41 మండల పరిషత్తు, 3 ప్రైవేట్), 12 ప్రాథమికోన్నత పాఠశాలలు (7 మండల పరిషత్తు, 5 ప్రైవేట్), 10 ఉన్నత పాఠశాలలు (1 ప్రభుత్వ, 8 జడ్పీ, 1 పైవేట్), 1 ప్రభుత్వ జూనియర్ కళాశాల ఉన్నది. భూత్పూర్, ఎల్కిచెర్ల, తాడిపర్తి, కరివెన, పోతులమడుగు, తాటికొండ, కొత్తమొల్గర, పాతమొల్గరలలో జిల్లా పరిషత్తు పాఠశాలలు, భూత్పూర్‌లో శ్రీసత్యసాయి గురుకులం ప్రైవేట్ పాఠశాల, ప్రభుత్వ పాఠశాల కలవు. వ్యవసాయం, నీటిపారుదల: మండలం మొత్తం విస్తీర్ణం 16582 హెక్టార్లలో 40% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట మొక్కజొన్న, ప్రత్తి. వరి, జొన్నలు కూడా పండిస్తారు. మండల సాధారణ వర్షపాతం 626 మిమీ. మండలంలో సుమారు 1900 హెక్టార్లకు నీటిపారుదల సౌకర్యం ఉంది. కాలరేఖ: 2009, జనవరి : భూత్పూర్ మాజీ మండల అధ్యక్షులు కొండారెడ్డి మరణించారు.  2015, జూన్ 10: భూత్పూర్ మండలం కరివెనలో ముఖ్యమంత్రి కేసీఆర్‌చే పాలమూరు-రంగారెడ్డి ఎత్తిపోతల పథకానికి శంకుస్థాపన చేయబడింది.   2014, జూన్ 2: ఈ మండలం తెలంగాణ రాష్ట్రంలో భాగమైంది   విభాగము: భూత్పూర్ మండలంలోని రెవెన్యూ గ్రామాలు (Portal: Revenue Villages in BhuthpurMandal) (11-10-2016 కంటె ముందునాటివి) అమిస్తాపూర్ (Amistapur), అన్నాసాగర్ (Annasagar), భూత్పూర్ (Bhoothpur), గోపాలపూర్ (Gopalapur (Khurd), హస్నాపూర్ (Hasnapur), ఇప్పలపల్లి (Ippalpalli), కప్పెట (Kappeta), కరివెన (Karvena), కొత్తమొల్గర (Kothamolgara), కొత్తూర్ (Kothur), మద్దిగట్ల (Maddigatla), పాతమొల్గర (Pathamolgara), పోతులమడుగు (Pothulamadugu), రావులపల్లి (Ravalpalli), తాటికొండ (Tadikonda), తాడిపర్తి (Tadparthy), ఎల్కిచెర్ల (Yelkicharla), హోం, విభాగాలు: మహబూబ్ నగర్ జిల్లా మండలాలు,  భూత్పూర్ మండలము, మహబూబ్‌నగర్ రెవెన్యూ డివిజన్, దేవరకద్ర అసెంబ్లీ నియోజకవర్గం,  = = = = = సంప్రదించిన పుస్తకాలు, వెబ్‌సైట్లు: తెలంగాణ చరిత్ర (రచన సుంకిరెడ్డి నారాయణరెడ్డి), Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011.  మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), కాకతీయ చరిత్ర (రచన- తేరాల సత్యనారాయణ), బ్లాగు రచయిత పర్యటించి సేకరించిన విషయాలు,