తెలంగాణ వార్తలు - 2015 (Telangana News - 2015)

తెలంగాణ వార్తలు - 2015 (Telangana News - 2015) ఇవి కూడా చూడండి: ఆంధ్రప్రదేశ్ వార్తలు-2015,  జాతీయ వార్తలు-2015,  అంతర్జాతీయ వార్తలు-2015,  క్రీడావార్తలు-2015,  జనవరి 2015: 2015, జనవరి 2: సార్వత్రిక ఎన్నికలలో ఓటర్లను చైతన్యపర్చినందుకు గాను ఈటీవి-ఆంధ్రప్రదేశ్, ఈటీవి-తెలంగాణ ఎన్నికల సంఘంచే పురస్కారం పొందింది. 2015, జనవరి 2: గోదావరి నదీ యాజమాన్య బోర్డు చైర్మన్‌గా రాంశరణ్ నియమితులైనారు.  2015, జనవరి 4: తెలుగుదేశం పార్టీ తెలంగాణ రాష్ట్ర అధ్యక్షుడిగా ఎల్.రమణ నియమితులైనారు. 2015, జనవరి 7: తెలంగాణ రాష్ట్ర అవినీతి నిరోధక శాఖ సంచాలకులుగా ఏకే ఖాన్ నియమితులైనారు.  2015, జనవరి 13: సికింద్రాబాదు కంటోన్మెంట్ ఎన్నికలలో తెరాస విజయం సాధించింది. 2015, జనవరి 20: నక్కలగండి ఎత్తిపోతల పథకానికి ముఖ్యమంత్రి ఆమోదించారు. 2015, జనవరి 20: నారాయణపేట నియోజకవర్గం మాజీ ఎమ్మెల్యే ఎల్కోటి ఎల్లారెడ్డి మరణించారు.  2015, జనవరి 25: తెలంగాణ ఉప ముఖ్యమంత్రి, వైద్య-ఆరోగ్య శాఖ మంత్రి టి.రాజయ్య మంత్రిమండలి నుంచి బర్తరఫ్ అయ్యారు.  2015, జనవరి 25: తెలంగాణ మంత్రివర్గంలో కడియం శ్రీహరికి స్థానం లభించింది.  2015, జనవరి 26: తెలంగాణ రాష్ట్రానికి చెందిన డాక్టర్ మంజుల అనగాని, మిథాలి రాజ్, పి.వి.సింధూలకు పద్మశ్రీ లభించింది.  2015, జనవరి 28: వరంగల్ నగరానికి గ్రేటర్ హోదా కల్పించబడింది.  ఫిబ్రవరి 2015: 2015, ఫిబ్రవరి 2: సమరయోధుడు, కాంగ్రెస్ పార్టీ సీనియర్ నాయకుడు జెట్టి నాగేశ్వరరావు మరణించారు.  2015, ఫిబ్రవరి 4: తెలంగాణ రాష్ట్రంలో ఇసుక గరిష్ట ధరను రూ.600గా ప్రభుత్వం నిర్ణయించింది.  2015, ఫిబ్రవరి 5: తెలంగాణ ప్రభుత్వం రాష్ట్ర ప్రభుత్వోద్యోగుల వేతన సవరణకై 43% ఫిట్‌మెంట్ ప్రకటించింది.  2015, ఫిబ్రవరి 5: సమరయోధుడు రఘువీర్ రావు మరణించారు.  2015, ఫిబ్రవరి 6: కార్వాన్ నియోజకవర్గం మాజీ ఎమ్మెల్యే అఫ్సర్‌ఖాన్ మరణించారు.  2015, ఫిబ్రవరి 5: జాతీయ క్రీడలలో రోయింగ్ పోటీలలో తెలంగాణకు 2 స్వర్ణాలు లభించాయి.  2015, ఫిబ్రవరి 7: ఖమ్మం జిల్లా నల్లముడి అడవుల్లోని ప్రాచీనమైన చిత్రలేఖనాలు వెలుగులోకి వచ్చాయి.  2015, ఫిబ్రవరి 9: జాతీయ క్రీడల కనోయింగ్-కయాకింగ్ పోటీలో తెలంగాణకు స్వర్ణపతకం లభించింది. 2015, ఫిబ్రవరి 12: తెలంగాణలో వ్యాపార, వాణిజ్య సంస్థలకు సెలవులు ఎత్తివేస్తున్నట్లు ముఖ్యమంత్రి ప్రకటించారు.  2015, ఫిబ్రవరి 15: తెలంగాణ గాంధీగా ప్రసిద్ధిచెందిన భూపతి కృష్ణమూర్తి మరణించారు.  2015, ఫిబ్రవరి 21: మహబూబ్‌నగర్ జిల్లా మండల పరిధిలోని తిమ్మాయిపల్లిలో 2000 సంవత్సరాల క్రిందటి ప్రాచీన గాజుపరిశ్రమ బయటపడింది. 2015, ఫిబ్రవరి 23: పాఠశాల క్రీడాసమాఖ్య 60వ జాతీయ స్థాయి అండర్-14 క్రికెట్ పోటీలు మహబూబ్‌నగర్‌లో ప్రారంభమయ్యాయి.   మార్చి 2015: 2015, మార్చి 2: తెలంగాణ పిసిసి అధ్యక్షుడిగా ఉత్తమ్‌ కుమార్ రెడ్డి నియమితులైనారు.  2015, మార్చి 2: మెదక్ జిల్లా కొండపాక మండలం, మర్పడగ గ్రామంలో విష్ణుకుండినుల కాలం నాటి చారిత్రక అవశేషాలు లభించాయి.  2015, మార్చి 3: ఆదిలాబాదు జిల్లా జైపూర్ మండలం పెగడపల్లి సమీపంలో సింగరేణి థర్మల్ విద్యుత్ ప్లాంటులో 600 మెగావాట్ల అదనపు ప్లాంటునకు ముఖ్యమంత్రి కేసీఆర్ శంకుస్థాపన చేశారు.  2015, మార్చి 3: ఖమ్మం జిల్లా బాటన్ననగర్ సమీపంలో బృహత్‌శిలాయుగం కాలం నాటి ఆనవాళ్ళు లభ్యమైనాయి.  2015, మార్చి 5: యాదగిరిగుట్టకు యాదాద్రి పుణ్యక్షేత్రంగా నామకరణం చేశారు. 2015, మార్చి 6: స్వాతంత్ర్య సమరయోధుల సంఘం రాష్ట్ర ప్రధాన కార్యదర్శి కంది మల్లారెడ్డి మరణించారు.  2015, మార్చి 7: తెలంగాణ రాష్ట్ర మొదటి సీపీఐ రాష్ట్ర మహాసభలు ఖమ్మంలో ప్రారంభమైనాయి.  2015, మార్చి 11: ఆర్థికమంత్రి ఈటెల రాజేందర్ 2015-16 బడ్జెట్‌ను శాసనసభలో ప్రవేశపెట్టారు. (ముఖ్యాంశాలు) 2015, మార్చి 12: సదాశివనగర్‌లో ముఖ్యమంత్రి కె.చంద్రశేఖర్ రావుచే మిషన్ కాకతీయ ప్రారంభించబడింది.  2015, మార్చి 14: మహబూబ్‌నగర్ జిల్లా జూపల్లి గ్రామపరిధిలో మధ్యరాతియుగానికి చెందిన ఆనవాళ్ళు కనుగొన్నారు. 2015, మార్చి 17: ముఖ్యమంత్రి కేసిఆర్‌కు CNN-IBS పాపులర్ ఛాయిస్ అవార్డు 2014 లభించింది.  2015, మార్చి 20: ప్రాణహిత ప్రాజెక్టుకు కాళేశ్వరం పేరు పెట్టనున్నట్లు ముఖ్యమంత్రి కేసీఆర్ ప్రకటించారు.  2015, మార్చి 25: మహబూబ్‌నగర్, రంగారెడ్డి, హైదరాబాదు జిల్లాల పట్టభద్రుల నియోజకవర్గం ఎమ్మెల్సీ ఎన్నికలలో భాజపా అభ్యర్థి నారపరాజు రామచంద్రారావు విజయం సాధించారు.  2015, మార్చి 26: తెలంగాణ శాసనసభ ప్రజాపద్దుల కమిటి చైర్మెన్‌గా పటోళ్ల కిష్టారెడ్డి, అంచనాల కమిటి చైర్మెన్‌గా సోలిపేట రామలింగారెడ్డి పేర్లను స్పీకర్ ఖరారుచేశారు.  2015, మార్చి 31: తెలంగాణ శాసనమండలి విపక్షనేతగా షబ్బీర్ అలీ ఎంపికయ్యారు.  ఏప్రిల్ 2015: 2015, ఏప్రిల్ 1: వి.ఎం.బంజార వద్ద విజయవాడ-జగదల్‌పూర్ జాతీయ రహదారి విస్తరణ పనులకు కేంద్రమంత్రి నితిన్ గడ్గరి శంకుస్థాపన చేశారు.  2015, ఏప్రిల్ 4: నల్గొండ జిల్లా మోత్కూరు మండలం జానకీపురం వద్ద ఎన్‌కౌంటర్‌లో ఐదుగురు తీవ్రవాదుల మరణం. 2015, ఏప్రిల్ 6: "ఎలిమినేటి మాధవరెడ్డి ఆంధ్రప్రదేశ్ గ్రామీణాభివృద్ధి సంస్థ" పేరును తెలంగాణ రాష్ట్ర పంచాయతీరాజ్ గ్రామీణాభివృద్ధిసంస్థగా మార్చబడింది. 2015, ఏప్రిల్ 7: ఆదిలాబాదు నియోజకవర్గం మాజీ ఎంపి మధుసూదన్ రెడ్డి మరణించారు.  2015, ఏప్రిల్ 8: హైద్రాబాదు కేంద్రీయ విశ్వవిద్యాలయం కులపతిగా రిజర్వ్ బ్యాంక్ మాజీ గవర్నర్ సి.రంగరాజన్ నియమితులైనారు. 2015, ఏప్రిల్ 9: నల్గొండ జిల్లాకు చెందిన ప్రముఖ కమ్యూనిస్టు నాయకుడు నర్రా రాఘవరెడ్డి మరణించారు.  2015, ఏప్రిల్ 10: తెలంగాణ సాయుధపోరాట యోధుడు కానూరి వెంకటేశ్వరరావు మరణం.  2015, ఏప్రిల్ 10: ఆచార్య జయశంకర్ వ్యవసాయ విశ్వవిద్యాలయానికి యూజీసీ గుర్తింపు లభించింది. 2015, ఏప్రిల్ 12: సానియామీర్జా మహిళల టెన్నిస్ డబుల్స్‌లో నెంబర్ వన్ ర్యాంక్ సాధించింది.  2015, ఏప్రిల్ 18: తెలంగాణ ఒలింపిక్ సంఘం అధ్యక్షుడిగా మహబూబ్‌నగర్ ఎంపి జితేందర్ రెడ్డి ఎన్నికయ్యారు.  2015, ఏప్రిల్ 20: తెరాస అధ్యక్షుడిగా కె.చంద్రశేఖర్ రావు ఏకగ్రీవంగా మరోసారి ఎన్నికయ్యారు.  2015, ఏప్రిల్ 25: తెరాస ప్లీనరీ హైదరాబాదులో ప్రారంభమైంది.  2015, ఏప్రిల్ 25: ఇబ్రహీంపట్నం ఎమ్మెల్యే మంచిరెడ్డి కిషన్ రెడ్డి తెరాసలో చేరారు.  2015, ఏప్రిల్ 27: తిరుమల తిరుపతి దేవస్థానం పాలకమండలిలో తెలంగాణకు చెందిన సండ్ర వెంకటవీరయ్య, జి.సాయన్నలకు స్థానం లభించింది.  మే 2015: 2015, మే 1: పార్లమెంటరీ కార్యదర్శుల నియామకం చెల్లదని హైకోర్టు తీర్పు ఇచ్చింది.  2015,మే 7: తెలంగాణ, ఆంధ్రప్రదేశ్ రాష్ట్రాల ఉమ్మడి హైకోర్టు ప్రధాన న్యాయమూర్తిగా జస్టిస్ దిలీప్ బాబాసాహెబ్ భోసలే నియమితులైనారు.  2015, మే 11: "నేషనల్ ఫ్లోరెన్స్ నైటింగేల్ ఆఫ్ ఇందియా 2015" పురస్కారం ఉమా నాగేంద్రమణికి ప్రకటించారు.  2015, మే 11: తెలంగాణ పిసిసి (మహిళా విభాగం) తొలి అధ్యక్షురాలిగా నేరెళ్ళ శారద నియామకం.  2015, మే 13: ఆర్టీసి సిబ్బంది సమ్మె విరమణ. తెలంగాణలో 44%, ఆంధ్రప్రదేశ్‌లో 43% ఫిట్‌మెంట్‌కు ప్రభుత్వాలు అంగీకారం.  2015, మే 22: తెలంగాణ సాయుధ రైతాంగ పోరాటయోధుడు పర్సా సత్యనారాయణ మరణం.  2015, మే 27: "డ్రన్ అండ్ బ్రాడ్‌స్ట్రీట్" రూపొందించిన అత్యుత్తమ భారతీయ కంపెనీల జాబితాలో తెలంగాణ, ఆంధ్రప్రదేశ్‌లకు చెందిన 21 కంపెనీలు స్థానం పొందాయి.  2015, మే 31: కోడంగల్ శాససభ్యుడు రేవంత్ రెడ్డిని ఏసిబి అధికారులు అరెస్ట్ చేసి జైలుకు పంపారు.  జూన్ 2015: 2015, జూన్ 1: శాసనమండలి ఎన్నికలలో (శాసనసభ్యులచే ఎన్నిక) 6 స్థానాలకుగాను తెరాస 5, కాంగ్రెస్ పార్టీ ఒక స్థానం పొందాయి. (విజయం సాధించిన అభ్యర్థులు: కడియం శ్రీహరి, తుమ్మల నాగేశ్వరరావు, బి.వెంకటేశ్వర్లు, నేతి విద్యాసాగర్, యాదగిరిరెడ్డి, ఆకుల లలిత) 2015, జూన్ 6: నల్గొండ జిల్లా రాజాపేట మండలం నెమిల గ్రామంలో పురాతనమైన నాణేలు బయటపడ్డాయి.  2015, జూన్ 8: తెలుగు సాహితీవేత్త దాశరథి రంగాచార్య మరణం.  2015, జూన్ 10: యాదాద్రి-వరంగల్ 4 వరసల రహదారికి కేంద్రం ఆమొదం తెలిపింది. 2015, జూన్ 11: పాలమూరు-రంగారెడ్డి ఎత్తిపోతల పథకానికి భూత్పూరు మండలం కరివెనలో ముఖ్యమంత్రిచే శంకుస్థాపన చేయబడింది.  2015, జూన్ 11: తెలంగాణ ప్రభుత్వం నూతన పారిశ్రామిక విధానంను ఆవిష్కరించింది.  2015, జూన్ 12: డిండి ఎత్తిపోతల పథకానికి ముఖ్యమంత్రి కేసీఆర్ శంకుస్థాపన చేశారు.  2015, జూన్ 26: తెలంగాణ తొలితరం గజల్ గాయకుడు విఠల్‌రావు మరణం. 2015, జూన్ 28: మెదక్ జిల్లా ప్రజ్ఞాపూర్ సమీపంలో ఆదిమానవుల సమాధులు లభించాయి. జూలై 2015: 2015, జూలై 3: చెన్నమనేని విద్యాసాగర్ రావు రచించిన "ఉనికి" పుస్తకం ఆవిష్కరించబడింది.  2015, జూలై 5: ఆదిలాబాదు జిల్లాలో కడెం ఎత్తిపోతల పథకం ప్రారంభించబడింది.  2015, జూలై 6: ఓటుకు నోటు కేసులో సత్తుపల్లి నియోజకవర్గం ఎమ్మెల్యే సండ్ర వెంకట వీరయ్యను అవినీతి నిరోధశాఖ అధికారులు అరెస్ట్ చేశారు.  2015, జూలై 8: ఉమ్మడి ఆంధ్రప్రదేశ్ పిసిసి అధ్యక్షుడిగా పనిచేసిన డి.శ్రీనివాస్ తెలంగాణ రాష్ట్ర సమితి పార్టీలో చేరారు.  2015, జూలై 8: అనాబ్ అలీ అనాజ్‌జంగ్ జన్మదినాన్ని (జూలై 11) తెలంగాణ ప్రభుత్వం ఇంజనీర్స్ దినోత్సవంగా ప్రకటించింది. 2015, జూలై 9: ప్రమాణాల పరంగా దక్షిణభారతంలో ఉస్మానియా విశ్వవిద్యాలయం ప్రథమస్థానం పొందింది. (ఇండియా టుడే, నీల్సన్ సర్వే ప్రకారం)  2015, జూలై 9: తెలంగాణ తొలి జానపద కళాకారుడు నీలం గణేష్ రావు మరణం. 2015, జూలై 11: రంగారెడ్డి జిల్లా శామీర్‌పేట్ మండలం తుర్కపల్లి శివారులో ఆదిమానవుల చిత్రాల బయటపడ్డాయి. 2015, జూలై 14: గోదావరి నది పుష్కరాలు ప్రారంభమయ్యాయి.  2015, జూలై 17: మెదక్ జిల్లా సిద్ధిపేట మండలం పుల్లూరులో బృహత్‌శిలాయుగం కాలం నాటి సమాధులు బయటపడ్డాయి.  2015, జూలై 16: ఏపి ఎక్స్‌ప్రెస్ పేరును నవంబరు నుంచి తెలంగాణ ఎక్స్‌ప్రెస్‌గా మారుస్తూ కేంద్రం నిర్ణయం తీసుకుంది.   ఆగస్టు 2015: 2015, ఆగస్టు 17: తెలంగాణ రాష్ట్రమంతటా గ్రామజ్యోతి పథకం ప్రారంభమైంది. 2015, ఆగస్టు 25: నారాయణఖేడ్ నియోజకవర్గం శాసనసభ్యుడు పట్లోళ్ల కిష్టారెడ్డి మరణం.  2015, ఆగస్టు 27: ఆకర్షణీయ నగరాల ప్రాథమిక జాబితాలో తెలంగాణ నుంచి గ్రేటర్ హైదరాబాదు, వరంగల్ ఎంపికయ్యాయి.  2015, ఆగస్టు 29: మహబూబ్‌నగర్‌కు చెందిన వంశీకృష్ణ గిన్నిస్ రికార్డు కోసం 4.2 కిమీ దూరం మూన్ వాక్ చేశాడు. 2015, ఆగస్టు 29: ఆదిలాబాదు జిల్లాలో 6.5 కోట్ల సంవత్సరాల నాయి వృక్షశిలాజాలు బయటపడ్డాయి.  సెప్టెంబరు 2015: 2015, సెప్టెంబరు 1: తెలంగాణ సారస్వత పరిషత్తు అధ్యక్షుడిగా సి.నారాయణరెడ్డి ఎన్నికయ్యారు.  2015, సెప్టెంబరు 4: తెలంగాణ ప్రభుత్వం బీసి జాబితా నుంచి తొలగింపు (కళింగ, గవర, తూర్పు కాపు తదితర) సక్రమమేనంటూ ఉమ్మడి హైకోర్టు తీర్పు ఇచ్చింది. 2015, సెప్టెంబరు 9: కాళోజీ పురస్కారం-2015ను డాక్టర్ అమ్మంగి వేళుగోపాల్‌కు ప్రధానం చేయబడింది.  2015, సెప్టెంబరు 22: తెలంగాణ రాష్ట్రానికి మరో 3 ఎమ్మెల్సీ స్థానాలు అదనంగా కేటాయించబడ్డాయి.  2015, సెప్టెంబరు 24: ఆదిలాబాదు జిల్లాకు చెందిన తెలంగాణ ఆయుధ పోరాట యోధుడు ముడుసు ఎల్లయ్య మరణం. 2015, సెప్టెంబరు 24: మాజీ ఎమ్మెల్యే, కరీంనగర్ జిల్లాకు చెందిన సీనియర్ నాయకుడు జువ్వాడి నర్సింగరావు మరణం. అక్టోబరు 2015: 2015, అక్టోబరు 4: తెలంగాణను ఎ-కేటగేరి ఆర్థికశక్తిగా ఇండియా క్రెడిట్ రేటింగ్ ఏజెన్సీ గుర్తించింది. 2015, అక్టోబరు 6: కాళేశ్వరం ఎత్తిపోతలకు తెలంగాణ ప్రభుత్వం ప్రత్యేక కార్పోరేషన్ ఏర్పాటుచేసింది. 2015, అక్టోబరు 7: నల్గొండ జిల్లా ఇంద్రపాలనగరం (తుమ్మలగూడెం) వద్ద ఘోర బస్సు ప్రమాదంలో 15 మంది మరణించారు. ఇవి కూడా చూడండి: తెలంగాణ వార్తలు-2000, 2001, 2002, 2003, 2004, 2005, 2006, 2007, 2008, 2009, 2010, 2011, 2012, 2013, 2014, 2016,

Tags: Telugu News, తెలుగు వార్తలు,Telangana News in telugu, తెలంగాణ వార్తలు Telangana state current news in telugu

 = = = = =

విభాగాలు: వార్తలు, 2015,