జనవరి 2013:
- 2013, జనవరి 25: నల్గొండ జిల్లా వెల్మజాలలో 10వ శతాబ్ది నాటి పురాతన శాసనం లభ్యమైంది.
- 2013, జనవరి 25: అఖిల భారతీయ విద్యార్థి పరిషత్తు రాష్ట్ర 31వ సదస్సు మహబూబ్‌నగర్ పట్టణంలో జరిగింది.
ఫిబ్రవరి 2013:
- 2013, ఫిబ్రవరి 3: మాజీ మంత్రి సరోజినీ పుల్లారెడ్డి మరణించారు.
- 2013, ఫిబ్రవరి 8: మాజీ మంత్రి డి.నర్సింగరావు మరణించారు.
- 2013, ఫిబ్రవరి 10: భారతీయ జనతా పార్టీ రాష్ట్ర అధ్యక్షునిగా కిషన్ రెడ్డి మరోసారి నియామకం.
- 2013, ఫిబ్రవరి 21: హైదరాబాదులో దిల్‌సుఖ్‌నగర్ ప్రాంతంలో జంటపేలుళ్ళు.
- 2013, ఫిబ్రవరి 28: ఓరుగల్లు నగరానికి జాతీయస్థాయిలో ఉత్తమ చారిత్రక నగరంగా గుర్తింపు లభించింది.
మార్చి 2013:
- 2013, మార్చి 3: మెదక్ జిల్లా జహీరాబాదులో ట్రాక్టర్ల తయారీ పరిశ్రమ ప్రారంభించబడింది.
- 2013, మార్చి 11: ముఖ్యమంత్రిచే రెవెన్యూ సదస్సులు మహబూబ్‌నగర్ జిల్లా మందిపల్లి గ్రామంలో ప్రారంభమైనవి.
- 2013, మార్చి 26: దొమ్మాట మాజీ ఎమ్మెల్యే ఖాజామొహినుద్దీన్ మరణించారు.
ఏప్రిల్ 2013:
- 2013, ఏప్రిల్ 3: రాష్ట్రంలో కొత్తగా 10 రెవెన్యూ డివిజన్లు ఏర్పాటు చేస్తూ ఉత్తర్వు జారీ.
- 2013, ఏప్రిల్ 27: తెలంగాణ రాష్ట్ర సమితి 12వ వార్షికోత్సవం నిజామాబాదు జిల్లా ఆర్మూరులో నిర్వహించబడింది.
మే 2013:
- 2013, మే 1: మెదక్ జిల్లా న్యానకల్‌లో మంజీరా కుంభమేళ ప్రారంభమైంది.
- 2013, మే 11: మెదక్ పట్టణానికి చెందిన ఎం.ఎస్.గౌడ్ ప్రపంచంలోని 100 అత్యుత్తమ వైద్యులలో ఒకరుగా ఎంపికయ్యారు.
- 2013, మే 20: భారతీయ జనతా పార్టీ ఉపాధ్యక్షుడిగా బండారు దత్తాత్రేయ నియామకం.
- 2013, మే 26: మంత్రులు సబితా ఇంద్రారెడ్డి (హోంశాఖ), ధర్మాన ప్రసాదరావు (రోడ్డు భవనాల శాఖ) రాజీనామాలను గవర్నర్ ఆమోదించారు.
- 2013, మే 29: కరీంనగర్ జిల్లా కాళేశ్వరంలో సరస్వతి నది పుష్కరాలు ప్రారంభమయ్యాయి.
జూన్ 2013:
- 2013, జూన్ 3: తెలంగాణ నగరా సమితి వ్యవస్థాపకుడు, మాజీ మంత్రి, 6 సార్లు ఎమ్మెల్యేగా ఎన్నికైన నాగం జనార్థన్ రెడ్డి భారతీయ జనతా పార్టీలోచేరారు.
- 2013, జూన్ 16: రాష్ట్రానికి చెందిన జిల్లెల చిన్నారెడ్డికి ఏఐసిసి కార్యదర్శి పదవి లభించింది.
- 2013, జూన్ 17: కరీంనగర్ జిల్లా పందిల్ల గ్రామంలో క్రీ.శ.7-10 మధ్యకాలం నాటి పురాతనమైన జైనవిగ్రహం బయల్పడింది.
- 2013, జూన్ 22: గద్వాలలో 2011 సం.పు టీవి నందుల ప్రధానోత్సవం జరిగింది.
- 2013, జూన్ 29: మెదక్ జిల్లాలో చేగుంట మరియు 10 గ్రామపంచాయతీల విలీనంతో చేగుంట నగరపంచాయతి ఏర్పాటుకు ఉత్తర్వు జారీ.
జూలై 2013:
- 2013 జూలై 7: మాజీ మంత్రి, గద్వాలకు చెందిన సీనియర్ నాయకుడు డి.కె.సమరసింహారెడ్డి తెలుగుదేశం పార్టీలో చేరారు.
- 2013, జూలై 8: సికింద్రాబాదులో పాత భవనం కూలి 13మంది మరణించారు.
- 2013, జూలై 12: మజ్లిస్ బజావో తహరిక్ (ఎంబిటి) పార్టీ అధ్యక్షుడు ఆదం మాలిక్ మరణించారు.
- 2013, జూలై 13: నల్గొండ జిల్లాకు చెందిన తెలంగాణ సాయుధ పోరాట యోధుడు కోడి సర్వయ్య మరణించారు.
- 2013, జూలై 14: మాజీ కేంద్ర మంత్రి, ఆదిలాబాదు జిల్లాకు చెందిన సముద్రాల వేణుగోపాలచారి తెరాసలో చేరారు.
- 2013, జూలై 23: గ్రామపంచాయతి ఎన్నికల తొలి విడత పోలింగ్ జరిగింది.
- 2013, జూలై 27: గ్రామపంచాయతీ ఎన్నికల రెండవ విడత పోలింగ్ జరిగింది.
- 2013, జూలై 30: మాజీ మంత్రి కొండా సురేఖ వైఎస్సార్ కాంగ్రెస్ పార్టీకి రాజీనామా చేశారు.
- 2013, జూలై 30: తెలంగాణ రాష్ట్రం ఏర్పాటుచేసేందుకు కేంద్రం అధికారికంగా ప్రకటించింది.
- 2013, జూలై 31: మెదక్ లోకసభ సభ్యురాలు విజయశాంతి తెరాస నుంచి సస్పెండ్ అయ్యారు.
- 2013, జూలై 31: పంచాయతి ఎన్నికల 3వ విడత ఎన్నికలు జరిగాయి.
ఆగస్టు 2013:
- 2013, ఆగస్టు 1: పి.వి.నరసింహారావు కుమారుడు, రాష్ట్ర మాజీ మంత్రి పి.వి.రంగారావు మరణించారు.
- 2013, ఆగస్టు 3: రాష్ట్ర మాజీ మంత్రి ఉప్పునూతల పురుషోత్తమరెడ్డి మరణించారు.
- 2013, ఆగస్టు 3: తెలంగాణ సాయుధ పోరాటయోధురాలు ప్రియంవద మరణించారు.
- 2013, ఆగస్టు 9: ఆంధ్రప్రదేశ్ క్రీడాకారిణి పి.వి.సింధు ప్రపంచ బ్యాడ్మింటన్ చాంపియన్‌షిప్ సెమీస్ చేరి ఈ ఘనత సాధించిన తొలి భారతీయ క్రీడాకారిణిగా రికార్డు సృష్టించింది.
- 2013, ఆగస్టు 10: ప్రపంచ బ్యాడ్మింటన్ చాంపియన్‌షిప్‌లో పి.వి.సింధు కాంస్యపతకం సాధించింది.
- 2013, ఆగస్టు 11: గుజరాత్ ముఖ్యమంత్రి నరేంద్రమోడి హైదరాబాదు విచ్చేసి నవభారత యువభేరీ సదస్సులో పాల్గొన్నారు.
- 2013, ఆగస్టు 11: ఆదిలాబాదు జిల్లాకు చెందిన ప్రముఖ నాయకుడు, మాజీ ఎంపీ ఇంద్రకరణ్ రెడ్డి వైకాపాకు రాజీనామా చేశారు.
- 2013, ఆగస్టు 17: మాజీమంత్రి శనిగరం సంతోష్‌రెడ్డి వైఎస్సార్‌సీపీకి రాజీనామా చేశారు.
- 2013, ఆగస్టు 28: దిల్‌సుఖ్‌నగర్ జంటపేలుళ్ళ కేసులో నిందితుడు యాసిన్ భత్కల్ అరెస్ట్ అయ్యాడు.
- 2013, ఆగస్టు 31: హైదరాబాద్ హాట్‌షాట్స్ ఐబీఎల్ టైటిల్ సాధించింది.
సెప్టెంబరు 2013:
- 2013, సెప్టెంబరు 4: మాజీ మంత్రి కొండా సురేఖ కాంగ్రెస్ పార్టీలో చేరారు.
- 2013, సెప్టెంబరు 8: ఆదిలాబాదు జిల్లా నిర్మల్‌కు చెందిన కవి దామెర రాములుకు సి.నారాయణరెడ్డి సాహిత్య పురస్కారం లభించింది.
- 2013, సెప్టెంబరు 11: సంగారెడ్డిలో రాష్ట్ర పశుసంవర్థన శాఖ ఆధ్వర్యంలో సునందిని (దూడల పెంపక కార్యక్రమం) ప్రారంభమైంది.
- 2013, సెప్టెంబరు 15: తెలుగుదేశం పార్టీ నాయకుడు, మాజీ మంత్రి బషీరుద్దీన్ బాబూఖాన్ మరణించారు.
- 2013, సెప్టెంబరు 21: తెలంగాణ రచయితల సంఘం రెండవ సదస్సు కరీంనగర్‌లో ప్రారంభమైంది.
- 2013, సెప్టెంబరు 28: పాలమూరు (మహబూబ్‌నగర్) పట్టణంలో సుష్మాస్వరాజ్ యొక్క భారీ "తెలంగాణ ప్రజాగర్జన" బహిరంగ సభ నిర్వహించబడింది.
అక్టోబరు 2013:
- 2013, అక్టోబరు 3: ప్రత్యేక తెలంగాణ రాష్ట్ర ఏర్పాటుకు కేంద్ర మంత్రిమండలి ఆమోదించింది.
- 2013, అక్టోబరు 12: నూతనంగా నిర్మించిన గద్వాల- రాయచూర్ రైలుమార్గం ప్రారంభమైంది.
- 2013 అక్టోబరు 30: కొత్తకోట మండలం పాలెం వద్ద జాతీయ రహదారిపై బస్సుకు మంటలు చెలరేగి 45 మంది సజీవదహనం అయ్యారు.
నవంబరు 2013:
- 2013, నవంబరు 8: ఖమ్మం జిల్లా కొత్తగూడెంలో బాలోత్సవ్-2013 ప్రారంభమైంది.
- 2013, నవంబరు 13: మహబూబ్‌నగర్ జిల్లా కొల్లాపూర్‌కు చెందిన శాస్త్రవేత్త డా.వలిపె రాంగోపాలరావుకు 2013 సం.పు ఇన్ఫోసిస్ ఫౌండేషన్ అవార్డు లభించింది.
- 2013, నవంబరు 29: కృష్ణా జల వివాదాలపై నియమించిన బ్రిజేశ్ కుమార్ ట్రిబ్యునల్ తన తుది తీర్పును వెలువరించింది.
డిసెంబరు 2013:
- 2013,డిసెంబరు 5: తెలంగాణ ఏర్పాటు ముసాయుదా బిల్లును కేంద్ర కేబినెట్ ఆమోదించింది.
- 2013, డిసెంబరు 18: కాత్యాయిని విద్మహే 2013 సం.పు సాహిత్య అకాడమీ పురస్కారంకు ఎంపికైనారు (తెలుగు భాషలో).
- 2013, డిసెంబరు 18: వైఎస్సార్ కాంగ్రెస్ పార్టీకి కామన్ గుర్తుగా సీలింగ్ ఫ్యాన్ కేటాయిస్తూ కేంద్ర ఎన్నికల సంఘం నోటిఫికేషన్ జారీ చేసింది.
- 2013, డిసెంబరు 20: వరంగల్ నగరంలో కాకతీయ ఉత్సవాలు ప్రారంభమయ్యాయి.
- 2013, డిసెంబరు 24: తెలంగాణ ప్రజాఫ్రంట్ రాష్ట్ర అధ్యక్షుడు ఆకుల భూమయ్య రోడ్డు ప్రమాదంలో మరణించారు.
- 2013, డిసెంబరు 30: ఆదిలాబాదు అసెంబ్లీ నియోజకవర్గం శాసనసభ్యుడిగా పనిచేసిన చిలకూరి వామన్‌రెడ్డి మరణించారు.
| ఇవి కూడా చూడండి: తెలంగాణ వార్తలు-2000, 2001, 2002, 2003, 2004, 2005, 2006, 2007, 2008, 2009, 2010, 2011, 2012, 2014, |
|
కామెంట్‌లు లేవు:
కామెంట్‌ను పోస్ట్ చేయండి