నవాబ్ పేట్ మండలము (Nawabpet Mandal)

జిల్లా మహబూబ్ నగర్ రెవెన్యూ డివిజన్ మహబూబ్‌నగర్ జనాభా 48795 (2001) 52070 (2011) అసెంబ్లీ నియోజకవర్గం జడ్చర్ల లోకసభ నియోజకవర్గం మహబూబ్‌నగర్ పర్యాటక ప్రాంతాలు కాకర్లపహాడ్, ఎల్లంకొండ ముఖ్య పంటలు మొక్కజొన్న,వరి మండల ప్రముఖులు మన్నె శ్రీనివాస్ రెడ్డి నవాబ్ పేట్ మహబూబ్ నగర్ జిల్లాకు చెందిన ఒక మండలము. ఇది జిల్లా కేంద్రానికి సమీపంలో ఉన్నది. ఈ మండలము మహబూబ్‌నగర్ రెవెన్యూ డివిజన్, జడ్చర్ల అసెంబ్లీ నియోజకవర్గం, మహబూబ్‌నగర్ లోకసభ నియోజకవర్గంలో భాగంగా ఉన్నది. మండలంలో 24 గ్రామపంచాయతీలు, 27 రెవెన్యూ గ్రామాలున్నాయి. కాకర్లపహాడ్ పంచాయతి పరిధిలో మైసమ్మ దేవాలయం ఉంది. 2011 లెక్కల ప్రకారం మండల జనాభా 52070. చరిత్రలో వెండికొండగా భాసిల్లిన ఎల్లంకొండ ఈ మండలంలోనే ఉంది. మండల వ్యవస్థకు ముందు ఈ మండలంలోని గ్రామాలు మహబూబ్‌నగర్, షాద్‌నగర్ తాలుకాలలో ఉండేవి. 2019 లోక్‌సభ ఎన్నికలలో మహబూబ్‌నగర్ ఎంపిగా విజయం సాధించిన మన్నె శ్రీనివాస్ రెడ్డి మండలంలోని గురుకుంట గ్రామానికి చెందినవారు. సరిహద్దులు: ఈ మండలమునకు ఉత్తరమున కొందుర్గ్ మండలము, ఈశాన్యమున షాద్ నగర్ మండలము, తూర్పున బాలానగర్ మండలము, ఆగ్నేయాన జడ్చర్ల మండలము, దక్షిణాన మహబూబ్ నగర్ మండలము, నైరుతివైపున హన్వాడ మండలము, పశ్చిమాన రంగారెడ్డి జిల్లా సరిహద్దులుగా ఉన్నాయి. జనాభా 2001 లెక్కల ప్రకారం మండల జనాభా 48795. ఇందులో పురుషులు 24791, మహిళలు 24004.  2011 జనాభా లెక్కల ప్రకారం మండల జనాభా 52070. ఇందులో పురుషులు 26378, మహిళలు 25692. అక్షరాస్యుల సంఖ్య 24666. రవాణా సౌకర్యాలు: మండలంలోని ప్రధాన గ్రామపంచాయతీలకు బీటి రోడ్డు సదుపాయం ఉంది. మండల కేంద్రం నుంచి షాద్‌నగర్, మహబూబ్‌నగర్ లకు రోడ్డు సౌకర్యం ఉంది. మండలానికి రైలు సదుపాయం లేదు. సమీపంలోని రైల్వే స్టేషన్లు మహబూబ్‌నగర్, షాద్‌నగర్. రాజకీయాలు: ఈ మండలము జడ్చర్ల అసెంబ్లీ నియోజకవర్గం, మహబూబ్‌నగర్ లోకసభ నియోజకవర్గంలో భాగంగా ఉన్నది. 2009కు ముందు 13 పంచాయతీలు జడ్చర్ల నియోజకవర్గంలో, 11 పంచాయతీలు షాద్‌నగర్ నియోజకవర్గంలో ఉండేవి. 2001 జడ్పీటీసి ఎన్నికలలో కాంగ్రెస్ పార్టీకి చెందిన పి.రంగారావు, 2006 జడ్పీటీసి ఎన్నికలలో తెలుగుదేశం పార్టీకి చెందిన డబ్బు స్వరూప ఎన్నికయ్యారు. 2014లో ఎంపీపీగా తెరాస పార్టీకి చెందిన శ్రీనయ్య ఎన్నికయ్యారు. 2019 లోక్‌సభ ఎన్నికలలో మహబూబ్‌నగర్ ఎంపిగా విజయం సాధించిన మన్నె శ్రీనివాస్ రెడ్డి మండలంలోని గురుకుంట గ్రామానికి చెందినవారు. జడ్చర్ల నియోజకవర్గంలో నవాబ్‌పేట్ మండల స్థానం (ఆకాశం రంగు) విద్యాసంస్థలు: మండలంలో 56 ప్రాథమిక పాఠశాలలు (1 ప్రభుత్వ, 55 మండల పరిషత్తు), 11 ప్రాథమికోన్నత పాఠశాలలు (7 మండల పరిషత్తు, 4 ప్రైవేట్), 11 ఉన్నత పాఠశాలలు (1 ప్రభుత్వ, 9 జడ్పీ, 1 ప్రైవేట్), ఒక ప్రభుత్వ జూనియర్ కళాశాల ఉన్నది. వ్యవసాయం, నీటిపారుదల మండలం మొత్తం విస్తీర్ణం 20744 హెక్టార్లలో 41% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంటలు మొక్కజొన్న,వరి. కందులు, జొన్నలు, ప్రత్తి కూడా పండిస్తారు. మండల సాధారణ వర్షపాతం 609 మిమీ. మండలంలో సుమారు 2700 హెక్టార్లకు నీటిపారుదల సౌకర్యంఉంది.   నవాబ్‌పేట మండలములోని రెవెన్యూ గ్రామాలు (Revenue Villages in  NawabpetMandal) అమ్మాపూర్ (Ammapur), చౌడూర్ (Chowdoor), దర్పల్లి (Darpalli), దేపల్లి (Depalli), గురుకుంట (Gurukunta), హజిలాపూర్ (Hajilapur), హన్మసానిపల్లి (Hanmasanipalli), (నిర్జన) ఇప్పటూర్ (Ippatur), కాకర్జాల (Kakarjala), కాకర్లపహాడ్ (Kakarlapahad), కామారం (Kamaram), కారుకొండ (Karkonda), కారూర్ (Karoor), ఖానాపూర్ (Khanapur), కొల్లూర్ (Kolloor), కొండాపూర్ (Kondapur), కుచ్చూర్ (Kuchoor), లింగంపల్లి (Lingampalli), లోకిరేవు (Lokirev), పర్వతాపూర్ (Parvathapur), పోమాల్ (Pomal), రేకుల చౌడాపూర్ (Rekulachowdapur), రుద్రారం (Rudraram), సిద్దోటం (Siddotam), తీగలపల్లి (Teegalapalli), వీర్‌సెట్టిపల్లి (Veersettipalli), యన్మన్‌గండ్ల (Yemmanagandla), హోం, విభాగాలు: మహబూబ్ నగర్ జిల్లా మండలాలు,  నవాబ్‌పేట మండలము, మహబూబ్‌నగర్ రెవెన్యూ డివిజన్, జడ్చర్ల అసెంబ్లీ నియోజకవర్గం,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), బ్లాగు రచయిత సందర్శించి తెలుసుకున్న, సేకరించిన సమాచారం,